MAZMUR 18:30 - Susula Malalaok Hehelu Palak Ma Hehelu Beuk

³⁰ O fe au be'i-balakaik soaneu tao akalulutuk musu-a; no au Manetualaing-nga tutulu-fafalin de au hona abuu, sila kota musun-na.

MAZMUR 18:30 ပူးပေါင်းရင်းမြစ်များ

2 SEMUEL 22:31

Manetualain tatao-nono'in matet Manetualain u-mandaak, Manetualain hehelu-balataan, hapu nananamahelek! Ndia sama leo buas sisili musu ba'eneu basa sila fo manamasulu-mahapa neun.

MAZMUR 119:140

O hehelum-ma, matea-mahelek, ma hapu nananamahelek, au sue-lain ba'un-na seli.

MAZMUR 12:6

Manetualain nae, “Hataholi nuu ta-hata tak-ka, nanatuni-ndenik, ma hataholi manadoi-dosok-ka, hoo-nggu'u. Hu ndia de, besak ia boe, Au mai uni fes mole-dame fo ala lahiik-kana.”

MAZMUR 17:7

Matu'du O susue-lalaim fo, matua-mademam-ma nana O soi-tefa-ma, hataholi fo nasulu-nahapa neu O, Nai O boboam-ma, ala hapu nee-nee lino-linok, neme musu-a mamain-na.

MAZMUR 18:2

Au sue-lai O, ou Manetualain, O de been-na au be'i-balakaing!

MAZMUR 25:10

Hataholi fo ana tunga hehelu-balataan ma hoholo-lalanen-na, Ana taon no susue-lalaik ma lilinekak.

AMSAL 30:5

Manetualain tao natetu hala hehelun lala'en-na. Ndia sama leo babaa fanak esa, ba'eneu basa hataholi fo, ala mai lasulu-lahapa neun.

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!