MAZMUR 18:29 - Susula Malalaok Hehelu Palak Ma Hehelu Beuk

²⁹ O de'de mapila au banung-nga; Au Amang Manetualain tao-na au makahatung-nga da'di mangale'dok.

MAZMUR 18:29 ပူးပေါင်းရင်းမြစ်များ

2 SEMUEL 22:30

O matetea-mahehele au, fo au tao akalulutuk musu-a; no au Manetualaing-nga tutulu-fafalin, de au hona aba'en sila kota musun-na.

2 SEMUEL 5:25

Dauk tao tunga Manetualain paletan-na, de ana sengi hataholi Filistin-nala, mulai neme Geba losa Gezer.

AYUB 29:3

Ana fe au, tutulu-fafalik tataas esa, Ana fe mangale'do-na, nangale'do-na au, nai lelek au la'ok nai makahatuk-ka dalek.

MAZMUR 144:1

Dauk Kokoa-kikiok. Koa-kio Manetualain, fo au manamasulu-mahapang-nga! Ana nanoli au nahotek, ma natee-natatik-ka.

MAZMUR 144:10

O fe manek-kala sesengik, ma O soi-po'i O atam Dauk.

MAZMUR 27:1

Dauk kokoa-kikion-na. Manetualain nde been-na, au mangale'dong ma au so'da-moleng, au ta bii-amata'u neu hata esa boen. Manetualain nde been-na, au kota musu masulu-mahapang, neukose au ta anggengo fa.

1 KORINTUS 15:10

Tehu, hu ka nde Manetualain susue-lalain, de au da'di sama leo au fo besak ia. Ma ta palsuma, Manetualain fe do'o do ampon neu au fa. Nakalenak bai, au nde puselaipana lenaheni basa Lamatua ka hataholi nadedenu fe'e nala; Tehu tunga ndo na au ue-osang ta ndia fa; te ndia fo Manetualain manasue-lai au ma manatao-no'i sama-sama no au a, ue-osan ndia.

KOLOSE 2:15

Nai ai nggangek lain, Kristus tao nala dula dalek fo ala paleta ma ala koasa, basa-basas male henis. Ana tao na basa daebafa ka lita, Ana hela nos, sama leo hataholi nanatahan ala, nai lelek fo Ana tao feta fai sesengi na, nono'ka bai hataholi nanahuku kala, fo Ana taos da'di natutu'duk esa nai lea matan.

NINITAK 3:21

Sila fo manasengi kala, neukose Au fes loak langatuuk leu Au kandela mane nga sama-sama lo Au, sama leo Au boeo sengi so, de besak ia Au angatuuk sama-sama o Au Amang nai kandela manen lain.

SEMUEL SUSULAK-KA ESAN-NA 17:49

Dauk olo ba'du saku-na, de ana ho'i-na batu esa, boema ana pilun neu Goliat. Batu ndia la'e Goliat dedein-na, nalosa ba'e langa so'en-na, de ana tu'u natotonokala.

SEMUEL SUSULAK-KA ESAN-NA 23:2

Boema Dauk natane Manetualain nae, “Ade, au muse u sapu-a hataholi Filistin-nala do?” Manetualain nataa nae, “Hei, muu sapu-malas, fo soi-tefa-ma Kehila laun-nala.”

SEMUEL SUSULAK-KA ESAN-NA 30:8

Basa boema, Dauk natane Manetualain nae, “Au nuse u usi musu manasapuk sila-la do? Au usi tungas fo au hapus do ta?” Boema, Manetualain nataa nae, “Hei, usis leona; neukose o hapus, fo o moo falik basa hataholi nanafook-kala.”