MAZMUR 18:22 - Susula Malalaok Hehelu Palak Ma Hehelu Beuk

²² Au tunga Manetualain paletan-na ma au ta lepos asadea, au Manetualaing-nga fa.

MAZMUR 18:22 ပူးပေါင်းရင်းမြစ်များ

AYUB 23:11

Au tungan no lilinekak; au beita singo ita neme enok fo, naketuk-ka mai fa.

MAZMUR 119:112

Au tutu'u basa, tunga O nakeketum-ma, losa au maso'da mate'eng-nga.

MAZMUR 119:117

Tia-to'ba au, fo ela au aso'da, ma taoafik neu O paletam-ma, tataas esa.

MAZMUR 119:128

Hu ndia de, au aso'da, nandaa no basa O natutu'dum-mala; au ta ahiik ha'da-paliik fo, ta matetuk-ka fa.

MAZMUR 119:13

Au po'a-benga apane'e basa hoholo-lalanek fo, O fe kala.

MAZMUR 119:30

Au hele basa soaneu tunga so, ma au afandendelek O paletam-ma, tataas esa.

YOHANIS 5:14

Basa ndia boema, Yesus natongo no hataholi ndia neme Manetualain Uman dale, boema nafa'dan nae, “Besak ia o hai so. De boso boe tao sala-singok seluk bai, fo ela o boso boe hapu he'di mangalauk, lenaheni ia bai.”

ULANGAN 26:13

mafa'da emi Manetualaim-ma mae, ‘Au fe la'iesak hahapu dadain ba'ek esa neme ba'eneu sanahulu mai fo au pe'dan nai umang-nga leo O, fo Manetualain, au ta ho'i ela faaanak boen; au fe la'iesak-kana leo hataholi Lewi-la, hataholi nusa dea-la, ma faluina anamaak-kala neu so, sama leo au Manetualaing-nga, fe au paleta-la. Neme Manetualain paletan-na, la'eneu tunu-hotu hahapu dadain ba'ek esa neme ba'eneu sanahulu mai, au ta la'olena esa boen.

ULANGAN 26:14

Au ta u'a tunu-hotuk ndia faaanak boen, nai lelek au falu mamates, do nai lelek au anggenggeo de, au ta leo nai uma dale fa, do au temfei leo mamates neu. Au tunga Manetualain so; basa hata lala'en fo, O paletan neu au-a, au tao la'iesak-kasa so.