MAZMUR 18:15 - Susula Malalaok Hehelu Palak Ma Hehelu Beuk

¹⁵ Ana kou, kou-kou isin-nala de Ana tao tapasasala musu-a; ndelas-sa, nandela tutui-nato, de ana tao-nas nalai.

MAZMUR 18:15 ပူးပေါင်းရင်းမြစ်များ

2 SEMUEL 22:16

Tasi buin-na nanasilu henik, ma daebafak-ka buin-na natahuka nai lelek Manetualain nasapala musun-na nenik nasa-melun.

2RAJA-RAJA 19:7

Neukose, Manetualain taon-na manek Asyur-ra, taoafik neu dede'a anin esa, fo nalosa ana fali ne'un leo nusan-na neu, fo neukose tao lisan nai naa.”

AYUB 36:32

Manetualain ho'un-na ndelas-sa, nenik liman-na, ma nadenun, fo teen-na mamanak fo Ana natu'duk-ka.

AYUB 4:9

Nono'kabai, ani-sangu-a, leondiak boe Manetualain nasa-melun, tao namopo-namates, losa mopos!

MAZMUR 104:5

O pasak daebafak-ka no matea-mahelek neu buin lain, nalosa, neukose ta nanggengo losa dodoon-na

MAZMUR 106:9

No paletan-na, de Tasi Gelagah ma'dan, de Ana noo anan-nala tunga tasi dale, sama leo, ala la'ok nai moo solokaek-ka.

MAZMUR 144:6

Tapa O mandelam-ma mai, fo ela musu-a tapasasala, po'i O kokou isim-ma mai, fo ela ala lakalupu.

MAZMUR 74:15

O nde fe oemata-la ma lee-la faa; O tao makamama'dak lee matua-la.

MAZMUR 76:6

Hataholi manakalok-kala, ala kalo hataholi palani-la so; ala sungu, de neukose ala ta fo'a so'on. Solda'du ao makadelek-kala mopo be'i-balakain-nala so.

MAZMUR 77:18

Ko'as-sa fe u'dan, ma mangguluk-ka nanggunggulu; Ndelas-sa tuti nato leo basa mamanak lala'ena.

MAZMUR 92:10

Ou Manetualain, ami bubuluk O musum-ma, neukose nanatao namopo-namatek basa hataholi mangalauk-kala, neukose nanatao tapasasalak.

KELUARAN 15:8

O fuu tasi-a, de lii-a napoponu, napadeik natetu sama leo papala nanadamak-ka, nalosa hapu la'ok tunga tasi buin-na.

YESAYA 11:4

Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YEREMIA 31:37

Leounik-ka la'i esa boema lalai-a hapu nanaukuk, ma daebafak-ka poin-na hapu nanapalisak mataloloek soona, neu faik ndia te neukose Au tipa-dede'a heni Israel nanahu basa sila tatao-nono'in fo mangalaun-nala. Au, Manetualain, nde manakokolak-ka.”

YUNUS 2:6

Au palaboku losa letek-kala huun-na, leo mamanak fo lelesuinan-na nananggoek losa tepo-lelek mate'ek-ka. Au samane nga sota-mangu nai au aoinang dale boema au afandele de au aloo bou-bou neu O. Boema au hule-haladoing losa O, leo O Uma malalao-malalafum-ma dalek neu. Boema O so'u-ma au neme tasi dale mai, ou Manetualain, fo au Manetualaing-nga!

MIKHA 6:2

Hai letek-kala, hai daebafak-ka buin-nala lemin, mamanene Manetualain kalaan-na. Nanuu dede'ak no Anan Israel, de neukose Ana kalaak-kasa.

ZAKHARIA 9:14

Neukose Manetualain natu'du aoinan-na neu anan-nala, Ana kou kokou isi manapilan-na, sama leo ndelas-sa. Neukose Manetualain fo Mademaina, Ana puu pupuuk-ka, fo da'di ta'du-tana natee-natatik mulai boema Ana la'ok tutulumatak, nai ani-sangu maneme kona, dalek.

SEMUEL SUSULAK-KA ESAN-NA 7:10

Lelek Semuel bei tunu-hotu tutunu-hohotuk ndia te, hataholi Filistin-nala mulai sapu; tehu nandaa no hatematak ndia boe, Manetualain namansa de halan-na nadodolo neme lalai mai neu hataholi Filistin-nala. Ala tapasasala, boema lalai no lapangamak.