MAZMUR 18:14 - Susula Malalaok Hehelu Palak Ma Hehelu Beuk

¹⁴ Boema Manetualain nanggulu neme lalai-a mai; Fo Mademaina, fe halan-na nananamanenek halan-na.

MAZMUR 18:14 ပူးပေါင်းရင်းမြစ်များ

AYUB 37:4

Basa boema, halan-na nananamanenek nadodolo, mangguluk-ka no ta'tas-sa liin-na nadodolo; ma nai lii madodolok-ka tala'da, ta'tas-sa nangale'do tuti-nato.

AYUB 37:5

Hu kande, Manetualain paletan-na, de manada'di beuk-ka da'di, manada'di mata beuk, fo ita ta talak-kana fa.

AYUB 38:35

Ma metema, o madenu ta'tas-sala, tuti-nato, soona, ade ala mai, fo lafa'da lae, “Au, Tuan!”?

AYUB 6:4

Manetualain, Fo Manakoasa, kokou isin-na tola au aopang-nga; de lason-na, nananama leo basa au aopaa-samaneng lala'en-na neu. Manetualain koasa matuainan-na, neni bibii-namata'uk nanseli, de nono'kabai, musu nook-ka solda'dun-nala sapu-la au.

MAZMUR 144:6

Tapa O mandelam-ma mai, fo ela musu-a tapasasala, po'i O kokou isim-ma mai, fo ela ala lakalupu.

MAZMUR 21:12

Metema ala tutu'u enok soaneu la'ban manek-ka soona, sila eno tipu-dain ndia, neukose ta neni buna-boak fa.

MAZMUR 29:3

Manetualain fo matua-madema, nanggulu nai tasi lain, halan-na nadodolo nai tasi maloaina lain.

MAZMUR 29:7

Manetualain halan-na tao-na ndelas-sa tu'ti-natok-ka.

MAZMUR 77:17

Ou Manetualain, oe nita O boema nako'ba, hei, tasi buin-na boeo, ana dele.

MAZMUR 77:18

Ko'as-sa fe u'dan, ma mangguluk-ka nanggunggulu; Ndelas-sa tuti nato leo basa mamanak lala'ena.

YESAYA 30:30

Neukose Manetualain fe hataholi namanene hala matua-mademan, ma basa hataholi-la, neukose lame'da lita koasa matuainan-na. Neukose nasa-melun neni ha'i mana'a naputuk-ka, u'da matuaina, u'da batu, ma ani-sangu.

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

HABAKUK 3:11

O kokou isim-mala lapu no lai-laik sama leo ndelas-sa, O tee isim-ma nangale'do boema le'do nate'e, ma bulak-ka nemek mamanan-na.

BILANGAN 24:8

Manetualain nde nos kalua leme Masir mai, Ana natee-natati soaneus, sama leo sapi fuik-ka. Neukose Ana ko'do heni, leoina fo, manamusu loon-na, Ana tao nakalulutuk duin-nala, ma Ana helu la'di kokou isin-nala.

ULANGAN 32:23

Ana fe susa-soe-a, ana mai nakandondoo henin. Neukose Au kous, nenik Au kokou ising-ngala lala'en-na.

ULANGAN 32:42

Neukose, Au kou-kou ising-ngala, ladiu sila dan-na; Au taoisa basa manalena-la'ban Au-a, nenik Au tafainang-nga. Su'di see fo, ana lena-la'ban Au soona, au ta po'ilotak-kana fa; Hataholi nanahukuk, ma hataholi makahinak-kala, muse mate boe.

YOSUA 10:10

Manetualain taon-na hataholi Amori-la nggenge, nai lelek lita solda'du Israel-la. Ala taolisa hataholi Amori makadotok nai Gibeon, ma ala usi bei maso'dak-kala kona leo letek manai Bet-Horon-na huun-na, dodoon-na, losa leo Azeka ma Makeda, nai boboak kona.

SEMUEL SUSULAK-KA ESAN-NA 2:10

Manetualain musun-nala lutu-lutu, ala bii-lamata'u, nanahu Manetualain namanasa de halan-na nadodolo neme lalai-a mai; Neukose Manetualain, naketu-nala'di basa daebafak ia lala'en-na, ma Ana fe koasa mandela-masa'ak-ka neu manek fo Ana helek-ka.”