MAZMUR 15:4 - Susula Malalaok Hehelu Palak Ma Hehelu Beuk

⁴ fo mana makadadaek hataholi fo, Manetualain ta sipok-kana fa, tehu ana fe ha'da-holomata neu hataholi fo, manatunga Manetualain hihii-nanaun; fo manatao natetu, hala hehelu-balataan, leomae tutu'dak-ka nai ndia boe,

MAZMUR 15:4 ပူးပေါင်းရင်းမြစ်များ

2TAWARIKH 36:13

Manek Nebukadnezar-ra nakaseti Zedekia fo ana soo-supa nenik Manetualain na'den-na nae neukose ana lilineka neu Nebukadnezar. Tehu makabuin-na Zedekia tao nakabubua mangalauk la'ban Nebukadnezar. Zedekia nalanga bat neu Amak fo Israel Manetualain-na. Ana ta nau tuka tei-sale dale neme sala-singon mai, ma ana ta nau fali leo Manetualain mai fa.

ESTER 3:2

Manek-ka fe paleta neu basa hataholi mana'a ngga'din-nala, fo ela ala fe ha'da-holomata neu Haman, nenik ala sene-do'ok neu matan-na. Basa-basas tunga paleta ndia, tehu Mordekhai ta tunga fa.

MAZMUR 101:4

Au ta nau tao po'de-pai fa ma au ta nau solodo'dok leo tatao-nono'i mangalauk-ka dalek u fa.

MAZMUR 101:6

Au ahiik hataholi fo, ana lilineka neu Manetualain; hataholi sila, bole leo nai au umang. Hataholi fo aso'dan-na bu'u-ba'en ta, bole nalalau-naoono au.

MAZMUR 119:63

Au tao tia-laik o basa hataholi kamahehelek-kala, ma basa hataholi fo, lakalala'ok O paletam-ma.

MAZMUR 16:3

Au fe ha'da-holomata neu hataholi malalao-malalafuk fo, manai nusak ia-la; au dale namahokong-nga nde, au leo nakabubua nos.

MATEOS 5:33

“Emi bubuluk basa, ita bei-ba'i kai nala nanoli nala nae leo ia: boso malelesi hala hehelu ka. Hu ndia de metema o helu basa hata esa no sosoo-susupak nai Manetualain matan, soona o muse tao matetun.

HATAHOLI 24:25

Tehu lelek fo Paulus kokolak nakandoo la'eneu tao tunga ka'da ndo na, ma nakatatak nasa-melu ka, ma la'eneu huhukuk nai Fai Mate'e ka boema, Feliks bii nanseli de nafa'da Paulus nae, “O bole fali besak ia leona, fo au hapu fai loak soona, de'i fo au alo seluk o.”

HATAHOLI 28:10

Ala fe ami bua palsen makadotok, ma lelek ami sanga la'o boema, lini fe ami basa hata fo ami paluun nai ami leleo-lala'om dalek.

1 YOHANIS 3:14

Ita bubuluk basan, ita kalua teme mamates dale mai de ita lali leo maso'dak dale teu so. Ita bubuluk dede'ak ndia, nana ita sue-lai ita tolano nala. Metema see dale susue-lalain ta soona, hataholi ndia bei nai mamate sa koasan dale.

HAKIM-HAKIM 11:35

Leondiak Yefta nitan boema, Yefta dalen-na he'dis nanseli, nalosa ana sii-sii lulu'i ba'dun-na, ma nae, “Awii, anang-ngonei, au daleng-nga nakalulutuk! Tao le'e de, o taom-ma au daleng-nga he'dis-sa? Au soo-supa basa neu Manetualain so, de au ta hapu hela falik-kana so'on!”