MAZMUR 149:3 - Susula Malalaok Hehelu Palak Ma Hehelu Beuk

³ Koa kio na'den-na, nenik fofoti-lolongek, koa-kion nenik kecapi ma tambur!

MAZMUR 149:3 ပူးပေါင်းရင်းမြစ်များ

2 SEMUEL 6:14

Basa boema, Dauk foti-longe no namahokok nanseli, fo ana fe ha'da-holomata neu Manetualain. Nai lelek ndia, ana pake ka'da si'di abalutu keke'uk, de ana pa'an nai tala'dan-na.

2 SEMUEL 6:16

Lelek fo leni Peti Hehelu-balataak ndia, masok leo kota dale neu, Mikhal, fo Saul anafe'on-na, ana titino neme jendela mai, boema nita Mane Dauk-ka nakaboboku, ma ana foti-longe, fo ana fe ha'da-holomata neu Manetualain, boema ana mete Dauk soona, ana ta hii mete fan.

1 TAWARIKH 16:42

Heman ma Yedutun boeo hapu bela-ba'uk soaneu pupuuk, simbal boema sasanu fe'e-fe'ek fo nananakaminak tunga nakamee kokoa-kikiok ka. Teidale-bobongik Yedutun hataholin-nala hapu bela-ba'uk soaneu lanea lelesuina la.

1 TAWARIKH 25:6

Basa Heman anan sila-la lakaminak musik simbal, kecapi ma gambus fo sila aman nde nauli-nalanga soaneu lakamee tunga nai feta makaluku-makatele nai Manetualain Uman. Asaf, Yedutun ma Heman hapu bela-ba'uk nandaa no natutu'duk neme manek-ka mai.

2TAWARIKH 20:28

Lelek ala losa kota boema, ala la'ok lakadadalak leo Manetualain Uman leu de kacapi ma trompet-ta lii-na la'ok nos.

2TAWARIKH 29:25

Nandaa no natutu'du-natutu'duk fo Manetualain fen neu Dauk tunga Nabi Gad, fo naue-nale'di fe manek-ka, ma tunga Nabi Natan-na, de manek-ka pe'da hataholi Lewi-la nai Manetualain Uman, fo lakamina kecapi ma gambus,

EZRA 3:10

Lelek tuka uma-la mulai lafofo'a Manetualain Uman-na laten-na, boema basa imam-mala pake ba'du manalu no ala ho'u pupuuk, fo langatuuk leu esa-esak mamanan. Hataholi Lewi-la leme teidale-bobongi Asaf-fa mai boeo, lapadeik lai ndia no ala ho'u meko anak-kala. Ala koa-kio Manetualain nandaa no nakanenetek fo nananaketu basak, ndek Mane Dauk-ka tepo-lelen-na.

MAZMUR 30:11

Mamanene leon, ou Manetualain, fo sue-lai au. Manetualain, tulu-fali au leona!”

MAZMUR 33:2

Moke makasi neu Manetualain nenik kacapi, makamee ba'eneun, nenik sasanu liik.

MAZMUR 81:2

Makamee nakamee kokoa-kikiok ba'eneu Manetualain, fo ita be'i-balakain, eeki no namahoko-seteleek ba'eneu Yakob Manetualain.

MAZMUR 81:3

Li'u tambur, so'uk nakameek, makaminak gambus ma kecapi no malole.

MAZMUR 87:7

Neukose ala longe ma lakamee lae, “Sion nde bee-na, au mamana dada'di-momoling!”

KELUARAN 15:20

Boema Miryam, fo nabi inak esa, fo Harun ka'ainan-na, ho'in-na rebanan-nala, de basa inak-kala li'u no'u-no'u boema ala longe.

YEREMIA 31:13

Neu faik ndia te anafe'o anak-kala neukose ala lolonge-dadape no dale namahokok. Hataholi lasik-kala ma hataholi mulik-kala neukose laua-lanale beno'u, nana neukose Au tao amahokos. Sila dale he'din-nala Au tao asafalin da'di namahokok, ma pinu i'duk-ka Au tao asafalin da'di maua-manalek.

YEREMIA 31:4

Neukose Au tao-a e leoinam-ma malole-nanapu sama leo makahulun-na. Neukose emi ho'i seluk rebana fo emi lolonge-dadape no namahoko-setelek.

HAKIM-HAKIM 11:34

Lelek, Yefta fali ne'un leo Mizpa neu boema, anafe'on-na mai soluk-kana nenik lolongek ma li'u meko-la'bu. Ana kisan-na nde ndia.