MAZMUR 148:8 - Susula Malalaok Hehelu Palak Ma Hehelu Beuk

⁸ hai ndelas ma u'da eis, salju ma ko'as-sa, anin matuaina, fo ana tunga Manetualain paletan-na lemin!

MAZMUR 148:8 ပူးပေါင်းရင်းမြစ်များ

KEJADIAN 19:24

No kaiboik, Manetualain nakona u'da belerang manapila lo'a-lo'ak-ka leo Sodom ma Gomora neu.

AYUB 37:12

Ko'as-sa la'ok leo basa daebafak-ka lala'en-na neu, no Manetualain paletan-na, de ko'as-sa la'ok leo mamanak lala'en-na neu.

MAZMUR 103:20

Koa-kio Manetualain, hai ata nusa so'dan fo, makadelek-kala, fo lamanene ma lakalala'ok paletan-na.

MAZMUR 18:12

Ana nalu'e ketu aoinan-na, nenik makahatuk-ka; ko'as masakoko'a makateina, okofefeo nalan.

KELUARAN 10:13

Boema, Musa so'uk aitete'en-na, de Manetualain fe ani timu-a da'di nai nusak ndia, lele'do katemak esa ma le'odae katemak esa. Lolebalahaak boema, anin ndia fuu neni lamak

KELUARAN 10:19

Boema Manetualain tao nasafali anin-na da'di ani balak, de nasan-na seli. Anin-na fuu neni lamak sila-la, de nenis leo Tasi Gelagah neu. Ta ela lamak esa boen, nai basa dae Masir-ra lala'en-na.

KELUARAN 14:21

Boema Musa leleuk liman-na leo tasi lai neu, de Manetualain fe ani timu matuaina mai, nalosa tasi oen-na le'a. Le'odaek ndia, ani timu nahele, de ana tao nasafali tasi-a da'di dae ma'dak.

YESAYA 66:16

Nana Ana hapu-na, basa hataholi-la lasala, de neukose Ana hukus nenik ha'i ma tafaina, ma nanahuku nisak makadotok.

YOEL 2:30

Neukose Au tao manada'di beuk ba'uk-ka nai lalai ma daebafak-ka. Neukose hapu nado'do-napauk, ha'i pilak ma ha'imasu bubuak.

IMAMAT 10:2

Boema Manetualain nakona ha'i-a mai, de ana hotu nisas nai Manetualain Lalaa Teman dale.

AMOS 4:13

Manetualain Manakoasa nde nakadada'dik letek-kala ma anin-na. Nafa'da dale tutu'un-na neu hataholi daebafak-ka. Ana tao lele'dok ma le'odaek. Ana la'ok nai daebafak-ka poin-na. Manetualain Fo Manakoasa, na'den-na nde ndia.

AMOS 7:4

Au hapu ninitak esa seluk neme Manetualain Fo Mademaina mai. Au ita naheheleaon, fo Ana huku anan-nala nenik ha'i. Ha'i ndia na'a heni tasi manai daebafak-ka buin-na ma ana mulai na'a heni tina-la.

YUNUS 1:4

Yunus kona leo ofak-ka teioen dale neu, de nangape'uk neu ndia, boema ana sungu namanee. Basa boema, Manetualain fe ani-sangu da'di nai tasi lai, boema lii matuaina da'dileona, de ana fepa ofak ndia, nalosa isabai-na ofak-ka nakalulutuk. Basa ofa isi-la bii lanseli, de ala nggasi loke tutulu-fafalik neme sila esa-esak lamatua daebafan-na mai. Fo sue kande ofak-ka boso hala, de ala tu'u heni ofak ndia bua-lo'an leo tasi dale neu.

BILANGAN 16:35

Boema Manetualain fe ha'i mai, de na'a naputu la'iesak hataholi ka natun dua limahuluk fo, manatunu-hotu boomenik sila-la.

YOSUA 10:11

Nai lelek hataholi Amori-la bei loe letek ndia, nanahu lalai leme solda'du Israel-la mai boema, Manetualain fe u'da eis matuaina-la tu'da leme lalai mai de tuni-nalas, su'di enok-ka nanalun-na losa Azeka. U'da eis ndia tunenisa hataholi-la, de'u lena hataholi Israel-la taolisak-kala.

NINITAK 16:21

U'da eis bubuaina la, fo bubuak esa soona bela na kilo limahulu, ala tu'da leme lalai mai, de lapaluni la hataholi daebafa kala. Boema ala supa-soo Manetualain nanahu susa-soe u'da eis matuaina ndia.