MAZMUR 147:5 - Susula Malalaok Hehelu Palak Ma Hehelu Beuk

⁵ Tete'ek-ka, ita Manetualain matua ma anseli, manatee-tenon-na, too-lanen ta.

MAZMUR 147:5 ပူးပေါင်းရင်းမြစ်များ

1 TAWARIKH 16:25

Nana Manetualain matuaina ma nanakoa-nanakiok nanseli; Ndia muse nanabii-namata'uk lena neme basa lamatua daebafak lala'en-na mai.

AYUB 36:5

Manetualain ndia, mabe'i-balakaik ma palani! Nalak basa hata lala'en-na. Ana ta nakadadaek hataholi esa boen.

MAZMUR 135:5

Nana au bubuluk, Manetualain tete'ek-ka matuaina. Ndia matuaina, lena heni basa lamatua daebafak lala'ena.

MAZMUR 145:3

Nana Manetualain matua-madema, ma nanakoa-nanakiok nanseli, matua-mademan ta hapu dodoo-nala fan.

MAZMUR 40:5

Maua-manalek ba'eneu hataholi fo, namahele neu Manetualain, fo ana ta tunga sene-do'ok neu lamatua daebafak-kala, do noke tutulu-fafalik neme hataholi manakaoa-ndaeaok-ka mai fa.

MAZMUR 48:1

Teidalek Korah kokoa-kikion-na.

MAZMUR 96:4

Nana Manetualain matuina, ma nanakoa-nanakiok nanseli, muse bii-namata'u neun, lena heni basa lamatua daebafak lala'ena.

MAZMUR 99:2

Manetualain koasan-na, ba'un-na seli nai Sion; Ndia matua-madema, lena heni leoina lala'ena.

YESAYA 40:28

Masa bole, o ta bubuluk, ma ta mamanene fa? Amak-ka nde, Manetualain fo, manaketu-basa taak-ka, fo mana makadada'dik daebafak-ka lala'en-na. Ana ta sota-mangu nita fa; hataholi daebafak, ta hapu neuk nala dudu'a-aafin fa.

YEREMIA 10:6

Manetualain do mandela masa'ak, ta hapu sama leo O fa, O na'dem-ma matua-madema ma henuk no koasa.

YEREMIA 10:7

See ndia fo ana ta nau namahele fa, neu O, manek la'eneu leoina-la? Te'e-te'e o manafe ha'da-holomata nanseli. Neme basa malelak fo manai leoina-la tala'da ma neme basa sila manen-nala mai, ta hapu hataholi esa boen naksasamak no O fa, Ou Manetualain.

DANIAL 2:20

nae, “Manetualain ndia manatee-tenok ma makadelek, kokoa-kikiok ba'eneun, losa dodoon-na neu!

NAHUM 1:3

Memak Manetualain ta haelai namanasa fa; tehu koasa-na, ba'un-na seli boe nalosa ba'eneu see fo ana tao salak soona Ana ta po'in neme huhukuk-ka mai fa. Manetualain la'ok nai bee soona, ani-sangu da'di nai ndia; Ana heta ein-na nai mamanak bee soona, daesopuk-ka da'di ko'as nai ndia.

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!