MAZMUR 147:20 - Susula Malalaok Hehelu Palak Ma Hehelu Beuk

²⁰ Ana ta tao leondiak neu leoina fe'ek-kala fa, de ala ta lalelak hoholo-lalanen fa. Koa-kio Manetualain leona!

MAZMUR 147:20 ပူးပေါင်းရင်းမြစ်များ

AMSAL 29:18

Leoina fo, ana ta hapu hela-nolek neme Manetualain mai fa, ana da'di leoina, fo henuk no tasi'bu. Maua-manalek ba'eneu hataholi fo, ana tunga Manetualain hoholo-lalanen.

HATAHOLI 14:16

Nai lelek makahulu na, Manetualain po'ilotak leoina la laso'da tunga sila hihii-nanau nala.

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

HATAHOLI 26:27

Ama Manek Agripa fo Mandela-Masa'ak! Ade Ama Manek mamahele hata fo Nabi la lafa'da ka do ta? Au ame'da nana, Ama Manek namaheles!”

EFESUS 2:12

Nai lelek ndia, emi ta da'di esa mo Kristus fa. Emi nde bee na, hataholi manamai, fo emi ta masok nai Manetualain hataholi kamahehele nala dalek fa. Emi ta masok nai Manetualain hehelu-balataan fo Ana taon no hataholi kamahehele nala dalek fa. Emi maso'da nai daebafa ka, ta no namahehenak ma ta no Manetualain.

EFESUS 5:8

Makahulu na, emi nai makahatu ka dalek. Tehu besak ia, emi da'di Lamatua ka, hataholi kamahehelen so, da'di emi nai mangale'do ka dalek so. Hu ndia de, emi muse maso'da nai mangale'do ka dalek.