MAZMUR 147:2 - Susula Malalaok Hehelu Palak Ma Hehelu Beuk

² Neukose, Manetualain tao nabebeu Yerusalem; neukose, no falik hataholi nanatu'u-tapak-kala.

MAZMUR 147:2 ပူးပေါင်းရင်းမြစ်များ

NEHEMIA 6:15

Papala nanadamak ndia tao matalololen-na, na'a faik limahulu dua, de basan neu hataholi Yahudi-la bula Elul-la, fain duahulu lima.

NEHEMIA 6:16

Lelek ami musu-musum manai leoina titia-tataik sila-la lamanene dede'ak ndia boema, ala bii mopo na'den-nala, nana basa hataholi-la bubuluk lae bela-ba'uk ndia nanataok nenik Manetualain tutulu-fafalin.

NEHEMIA 7:4

Yerusalem nde been-na kota maloaina, tehu laun-nala ka'da lumanak, ma uma beita ba'uk-ka fa.

MAZMUR 102:17

metema Manetualain nafofo'a falik Sion, fo ana to'da mai, nai matua-mademan-na dalek.

MAZMUR 51:18

O ta mahiik tutunu-hohotu nanado'dok fa; leo uni'ka, au tunu-hotu tutunu-hohotu nanatunuk soona, O ta mahiik-kana fa.

YESAYA 14:32

Natataak beek kande, neukose ita fen neu leoina Filistin-na, hataholi nadedenun-nala? Neukose ita tafa'das, tae Manetualain nafofo'a basa Sion so, de anan fo manadoi-dosok-kala, neukose ala hapu nasulu-nahapak lai ndia.

YESAYA 27:13

Nai lelek ndia, neukose pupuuk matua nanapuuk, fo naloo falik basa hataholi Israel fo, nanatapahenik manai Asyur ma Masir-ra. Neukose ala mai leo Yerusalem mai, fo ala sene-do'ok neu Manetualain nai pupuku malalao-malalafun-na.

YESAYA 56:8

Manetualain Fo Mademaina, fo no falik hataholi Israel-la, neme mamana ookak-ka mai, nafa'da nae leoia, “Neukose Au o hataholi fe'ek-kala mai, fo ala da'di esa lo sila fo, nanatao nakabubua basak-kala so.”

YESAYA 62:7

Sila ta bole po'ilotak Manetualain, ka'da denge-denge fa, metema, Ana beita nafofo'a falik Yerusalem fa, ma Ana taon da'di nananita-nalelak nai basa daebafak-ka lala'en-na.

YEREMIA 31:10

Manetualain nafa'da n, “Mamanene leona hai leoina-la lemin! Manduku-malosak Au hala-haituang-nga lo tasi selik neu: neu Au anang-ngala fo Au tao tapasalak-kala neukose Au tao akabubuas ma Au akaboboi matalololes sama leo manafoo-a nanea bi'ilopon.

YEREMIA 31:4

Neukose Au tao-a e leoinam-ma malole-nanapu sama leo makahulun-na. Neukose emi ho'i seluk rebana fo emi lolonge-dadape no namahoko-setelek.

YEREMIA 32:37

Neukose Au tao akabubua leoina ia, neme basa nusak fo Au tao tapasasalas nanahu Au nasa-melung neus. Neukose Au o falik-kasa lo mamanak ia, ma Au fes leo nai mamanak ia no nene-lino-linok.

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

DANIAL 9:25

Sulak-ma dede'ak ia, fo o malelak-kana: Teuk 7 la'i hitu neukose ala seli, mulai neme faik fo Ana kalua paleta soaneu nafofo'a falik Yerusalem, losa Manetualain hele mauli-malangan esa ana mai. Nai teuk 62 la'i hitu dalen-na, Yerusalem enon-nala ma lalaak nanean-nala, neukose nananafofo'a falik, tehu tepo-lelek ndia, henuk no toto'a-tataak.

MIKHA 4:6

Manetualain nafa'da nae, “Neukose fain-na losa, Au tao akabubua Au huku hataholi-la, fo nde sila manadoi-dosok nai mamana tu'u-tapak.

ZAKHARIA 8:7

Neukose Au soi-tefa ala, Au anang-ngala leme nusa-nusak fo mamanak, ala foo lenis-sala,

MATEOS 16:18

Hu ndia de bubuluk leona te, O nde bee na Petrus, fo batu matea-mahelek. Nai batu netes ndia lain, nde neukose Au apadedeik Au mamaso nga, fo ta hapu sengi fan, leomae mamate sa boe!

ULANGAN 30:3

soona, neukose emi Manetualaim-ma sue-lai emi. Neukose, no falik emi neme leoina fo, nai bee emi nanatao tapasasalak-ka, ma Ana fe emi maso'da no tetu-temak seluk.