MAZMUR 146:9 - Susula Malalaok Hehelu Palak Ma Hehelu Beuk

⁹ Ana nasulu-nahapa hataholi nusa dea-la; Ana tulu-fali basa faluina anamaak-kala, tehu Ana tao-na, hataholi mangalauk-ka dale tutu'un-na, manada'di tak.

MAZMUR 146:9 ပူးပေါင်းရင်းမြစ်များ

2 SEMUEL 15:31

Lelek Dauk hapu halak nae Ahitofel boeo ana tunga sama-sama nai Absalom nakabua makahatun-na dalek boema, Dauk hule-haladoi nae leo ia, “Ou Manetualain, sa'di leo been-na, fe Ahitofel nanoli-nafa'dan manada'di tak!”

2 SEMUEL 17:23

Lelek Ahitofel bubuluk nae ala ta tunga ndia nanoli-nafa'dan fa boema, ana bela ne'a sa'e ndalan-na neu keledein lain, de ana fali ne'un leo ndia kotan-na neu. Ana pe'da-fua matalolole hata-heton lala'en-na boema, ana lonaaon de maten, de latoin nai teidalen-nala loo-laten.

ESTER 5:14

Lamanene dede'ak ndia boema, saoinan-na ma nonoon-nala lafa'dan lae leo ia, “Ka'da madenu ala tao-la dii lolonak esa, deman-na metel duahulu dua. Boema balahaa fafaik soona, moke manek-ka, fo ana po'i o lona Mordekhai neu dii ndia. No enok ndia, o hapu muu leo feta ndia, no o dalem-ma tesa-tama.” Tunga Haman hahapun-na soona, nonokek ndia malole nanseli, hu ndia de, no lai-laik nadenu hataholi-la, fo ala tao dii lolonak ndia.

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

ESTER 9:25

Tehu Ester neu leo manek-ka neu, fo manek-ka fe susula paleta, de susulak ndia tao-na Haman dale tutu'u mangalaun-na, la'e seluk-kana, nalosa no anan-nala nanalonak nai dii lolonak-ka.

MAZMUR 10:14

Tehu O mitan; O taoafik neu toto'a-tataak, ma doidosok-ka, ma O maheheleaom tataas esa, soaneu tulu-fali. Hataholi tapandoes-sa, ana fe aoinan-na neu O, O tulu-fali hataholi nuu ta-hata tak-ka, tataas esa.

MAZMUR 145:20

Nasulu-nahapa basa hataholi manasue-lain-nana, tehu Ana tao namopo-namate, hataholi manatao tatao-nono'i mangalauk-ka.

MAZMUR 147:6

Ana hela nafofo'a, hataholi nanatuni-ndenik-ka, tehu Ana bala hataholi mangalauk-ka, neu dae lain.

MAZMUR 18:26

Manetualain, O lilineka neu hataholi fo manalilinekak-ka, ma malole neu hataholi fo malole-a.

MAZMUR 68:5

Makamee ba'eneu Manetualain, ma koa-kio na'den-na, Sadia eno okofoo ba'eneu Ndia fo, manasa'e ko'as-sa. Na'den-na Manetualain – mamahoko nai matan-na leona!

AMSAL 15:25

Neukose Manetualain tao natu'u, hataholi manakoao-ndaeaok-ka uman-na, tehu Ana nasulu-nahapa inafalu esa dae pusakan-na.

YEREMIA 49:11

Hei Edom! La'o ela o ana kisa anamam-ma neu Au, neukose au akaboboi fo ela o ina falum-mala tu'u dalek neu Au.

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

1 KORINTUS 3:19

Nana daebafa ka nafa'da nae manatee tenok soona, manatee tenok ndia nggoak tunga Manetualain mata memete na. Nana nai Susula Malalaok dale nanasulak nae, “Manetualain nakahihi'ik hataholi manatee teno kala ninik sila malela na.”

ULANGAN 16:11

Nai emi Manetualain-ma matan, fo nai Ana hele mamanak-ka, emi mamahoko-setelee, sama-sama moo emi anam-mala, emi atam-mala, ma hataholi Lewi-la, hataholi nusa dea-la, faluina-anamaak fo, manaleo manai emi kotam-ma.

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.