MAZMUR 146:4 - Susula Malalaok Hehelu Palak Ma Hehelu Beuk

⁴ Metema, mates soona, ala fali leo dae-a leu; faik ndia boe, sila dale tutun-nala mopok-kana.

MAZMUR 146:4 ပူးပေါင်းရင်းမြစ်များ

KEJADIAN 2:7

Basa boema, Manetualain ho'i-na dae faa anak, de Ana taon-nan, nalupa hataholi esa, boema Ana fuu, ani hahaek fo maneni maso'dak-ka leo pana bolon dale neu; boema hataholi ndia, naso'da leona.

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

KEJADIAN 6:17

Te neukose, Au fe faa tuak-ka mai, fo ana tao namopo-namate basa mahahae maso'dak, fo laso'da nai daebafak-ka. Basa hata lala'en, fo manai daebafak-ka, neukose mate la'iesak-kasa,

AYUB 14:10

Tehu metema, hataholi daebafak-ka maten soona, basa so; maten soona, ana leo bee neu?

AYUB 14:21

Anan-nala da'di hataholi nananita-nalelak, tehu ana ta bubuluk-kana fa. Ma metema, ala da'di hataholi nananakamumulu-nakamamaek soona, ta hapu hataholi nafa'da fan.

AYUB 17:1

Au le'do-faing deka so, de hihii nae, ketu au hahaeng-nga; ka'da bolo mamates-sa, nanasadiak ba'eneu au.

AYUB 17:11

Au fai maso'dang-nga, seli so, de au dale tutu'ung lala'en-na, manada'di tak; mopo la'iesak au namahehenang-nga.

AYUB 27:3

au soo ae: Lelek Manetualain bei fe au ani hahaek, lelek samanek-ka bei nai au aong dale,

MAZMUR 104:29

Metema O lepos masadea soona, ala bii; metema O ho'i falik ani hahaen-na soona, ala mopo-mate fo ala da'di falik dae, sama leo makasososan-na.

MAZMUR 33:10

Manetualain tao-na leoina-kala dale tutu'un-nala, ta da'di fa, Ana tao namopo, dale tutu'un-nala.

MAZMUR 90:3

O madenu hataholi daebafak-ka fali ne'un leo mamana dada'di-momolin neu, fo da'di dae sama leo makasososan-na.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

PENGKHOTBAH 9:6

Name'da susue tou-ta'ek ma iina-anafe'ok-ka, nakamuu-nakadauk-ka, ma dale hihiik fo manalua ponu-ponuk-ka, basa-basas mate sama-sama lon. Ana ta ho'i seluk baba'ek hata-hata nai basa manada'dik manai daebafak-ka lala'en-na so'on.

YESAYA 2:22

Da'di, boso mamahena neu hataholi daebafak fo, manasapu-manalalok-ka, nana ndia belin ta.

RATAPAN 4:20

Ala ho'u-la manek fo Manetualain helek-ka, hataholi fo ami mamahenan da'dileo manafe maso'dak, ma manamasulu-mahapa soaneu musu nook-ka.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

1 KORINTUS 2:6

Leomae leondiak boe, nai hataholi fo so'da samane na natea-nahele soona, memak au kokolak la'eneu manatee teno ka. Tehu manatee tenok ia, manatee teno daebafak ta ndia fa, do mana koasa lelek besak ia la manatee tenon fo koasa na neukose manasapu-manalalok.