MAZMUR 144:2 - Susula Malalaok Hehelu Palak Ma Hehelu Beuk

² Ana da'di au mamana nasulu-nahapang, ma mamanak fo au akatatakak, au kota musung, ma au manasoi-manatefang, Au babaa fanang, ma au mamana masulu-mahapang, fo Ana fe leoina-la lakatele nai au koasang dae.

MAZMUR 144:2 ပူးပေါင်းရင်းမြစ်များ

MAZMUR 110:3

Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

MAZMUR 18:2

Au sue-lai O, ou Manetualain, O de been-na au be'i-balakaing!

MAZMUR 18:47

Manetualain naso'da! Kokoa-kikiok ba'eneu au manamasala'eng-nga! Mamatutua-mamadedema Manetualain ndela-sa'an fo au manasoi-manatefang-nga!

MAZMUR 59:9

Tehu O hikas, ou Manetualain, O hakinonoli basa leoina sila-la.

MAZMUR 84:9

Mamanene au huhule-haladoing, ou Amak Manetualain Fo Manakoasa, mamanene leon, ou Yakob Manetualain-na.

MAZMUR 91:2

bole nafa'da neu Manetualain nae, “O nde au manamasala'eng, ma manamasulu-mahapang-nga, au Manetualaing, fo au amahele neu ka'da O.”

AMSAL 18:10

Manetualain ndia, sama leo uma puni madema mateaina; hataholi dale ndoos-sa, neu leo naa neu, de ana hapu mamanak fo, nee-nee lino-linok.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.