MAZMUR 143:7 - Susula Malalaok Hehelu Palak Ma Hehelu Beuk

⁷ Ou Manetualain, mataa au no lai-laik leona, nana ketu au namahehenang-na so. Boso mafuni meme au mai, fo ela, au boso sama leo hataholi fo, ana kona leo daebafak mamates-sa neu.

MAZMUR 143:7 ပူးပေါင်းရင်းမြစ်များ

MAZMUR 102:2

Ou Manetualain, mamanene au huhule-haladoing, nemen-na fo, au dokodoeng-nga losa O matam.

MAZMUR 22:24

Koa-kion leon, hai hataholi kamahehelek-kala lemin! Mamatutua-mamademan leon, hai Jakob tititi-nonosin-nala lemin! Sene-do'ok neun leon, hai basa Israel tititi-nonosin-nala lemin!

MAZMUR 27:9

boso mafuni meme au mai.” Boso mamanasa, ma tipa O atam-ma, nana O nde tulu-fali basa au so. Boso tu'u-tapa do la'oela au, ou Manetualain, fo au manasoi-manatefang-nga.

MAZMUR 28:1

Dauk kokoa-kikion-na. Ou Manetualain, au aloo bou-bou neu O, au manamasala'eng-nga nde O, mamanene au hala naloloong-nga. Metema O denge-denge soaneu au soona, au sama leo hataholi fo ana kona leo bolo mamates dale neu.

MAZMUR 40:17

Ela leo been-na, hataholi manasene-do'ok neu O-a, lamahoko ma setelee, ma hataholi manasue-lai so'da-molek neme O mai-a, lafa'da lakandoo lae, “Tete'ek-ka, Manetualain matua-madema!”

MAZMUR 69:17

Mataa au, ou Manetualain, nana O malole ma O sue-lai mahele. Sa'di leo bee-na lepos o langam-ma leo au mai, nana O dale kasiam-ma, ba'un-na seli.

MAZMUR 69:18

Boso ke'ke meme O atam ia mai, nana au to'a-ta, de tulu-fali au lai-lai leona.

MAZMUR 69:3

Au kosik leo oe madema dale u, ta hapu mamanak fo au apadeik fa. Au bolo nai oe madema dale, lii matuaina tao-na au bolo.

MAZMUR 70:5

Ela leo been-na, basa hataholi fo, manasene-do'ok neu O-a, lamahoko ma setelee; ma basa hataholi fo, manasue-lai so'da-molek maneme O mai-a, lafa'da lakandoo lae, “Tete'ek-ka, Manetualain matua-madema!”

MAZMUR 71:12

Ou Manetualain, O boso dook-ka meme au mai, au Manetualaing-nga, tulu-fali au lai-lai.

MAZMUR 84:2

O mamana leleom-ma, lolen-na seli, ou Manetualain Fo Manakoasa!

AMSAL 13:12

Metema namahehenak-ka, ta tao natetu fan soona, aopaak-ka male-tale; tehu metema hihii-nanauk-ka nanatao natetuk soona, dalek-ka naua-nanale.

YESAYA 38:18

Ta hapu hataholi koa-kio O, nai hataholi manamatek-kala daebafan-na fa, hataholi manamatek-ka, ta hapu namahena O lilinekam fa

YESAYA 57:16

Au ta fe salak neu Au anang-ngala, losa dodoon-na fa; Au ta amanasa akandondoo henin fa, fo ela ala manggate lakandoo, te se'kona, Au nde fes maso'dak-ka.

YESAYA 8:17

Manetualain nafuni aoinan-na neme Yakob tititi-nonosin, fo anan-nala mai so, tehu au amahele ma amahena neun.

LUKAS 21:26

Hataholi daebafa ka neukose ala bii lini mamate momopon lasasale matak lo hata fo neukose ana da'di nai daebafak ia lala'ena, nana basa mana koasa lalai maloa ta latetu-landaa so'on.