MAZMUR 142:5 - Susula Malalaok Hehelu Palak Ma Hehelu Beuk

⁵ Lelek au lipa leo boboak u, te au ta ita, manatulu-manafali ba'eneu au fa. Ta hapu manamasulu-mahapa ba'eneu au, do manataoafik neu au aoinang-nga fa.

MAZMUR 142:5 ပူးပေါင်းရင်းမြစ်များ

MAZMUR 119:57

Ou Manetualain, fo au ahiik-ka, nde ka'da O, de au helu, neukose au akalala'ok O nanolim-ma.

MAZMUR 16:5

Manetualain, au anuu-ka, nde ka'da O mesam-ma; O fe au basa hata lala'en fo, au paluuk-ka, au ua-naleng, nai O limam dale.

MAZMUR 27:13

Au amahele, neukose au la'ola'di Manetualain dale malolen-na, nai au maso'dang-nga dalek, nai daebafak ia.

MAZMUR 35:12

Au maloleng-nga, ala balas-sana nenik mangalauk; au bolo nai, ketu namahehenak-ka dalek.

MAZMUR 46:1

Teidalek Korah kokoa-kikion-na. Soaneu mauli-malanga nakameek. No Alamot nakameen-na.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

MAZMUR 56:13

Neukose au tao atetu au hehelu-balataang neu O, ou Manetualain, ma au tunu-hotu tutunu-hohotu makasi soaneu O.

MAZMUR 73:26

Leomae au aopaa-samaneng male-tale, tehu O nde, au be'i-balakaing, ou Manetualain; O nde, basa hata lala'en, fo au anuun losa dodoon-na.

MAZMUR 91:2

bole nafa'da neu Manetualain nae, “O nde au manamasala'eng, ma manamasulu-mahapang-nga, au Manetualaing, fo au amahele neu ka'da O.”

PENGKHOTBAH 4:1

Basa boema, au taoafik seluk neu ta ndoos ma matetuk lala'en fo ala da'di nai daebafak ia. Hataholi nanantuni-ndenik-kala kii, ma ta hapu hataholi nau tulu-fali fas. Ta hapu hataholi esa boen, nau tulu-fali fas, nanahu manatuni-ndenik sila, lanuu koasa matuaina.

RATAPAN 3:24

Manetualain nde been-na, au hata-hetong fo kisak. Hu ndia de, au amahena neun.

YOHANIS 16:32

Mafandendelek! Te neukose fai na losa, nakalenak ana losa so, te neukose ala tao tapasasala emi. Fo emi esa-esak fali leo uman neu, fo la'oela Au mesa nga. Tehu Au ta mesa nga fa. Nanahu Ama ka no Au.

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.