MAZMUR 141:2 - Susula Malalaok Hehelu Palak Ma Hehelu Beuk

² Sipo-ma, au huhule-haladoing, da'di leo tunu-hotu boominik, ma au limang fo, nanaso'uk-ka, da'di leo tutunu-hohotu le'odaek.

MAZMUR 141:2 ပူးပေါင်းရင်းမြစ်များ

1RAJA-RAJA 18:36

Lelek fai na losa fe tutunu-hohotu le'donoso ka boema, Nabi Elia neu deka no mei tunu-hotuk ndia, boema ana hule-haladoi nae, “Ou Amak, Manetualain fo Abraham, Isak ma Yakob sene-do'ok-ka, matu'dun besak ia mae O nde Manetualain nai Israel, ma au ia O atam. Boeo matu'du mae basa hata lala'en fo au taon ia nde been-na no O paleta ma.

EZRA 9:4

Au angatuuk ka'da leondiak ahele, losa li'u tunu-hotu tutunu-hohotu le'donosok-ka. Basa boema, hataholi-la mai okofefeo-la au. Ala bii lanseli, nanahu lafandele Israel Manetualain-na, Ana fe nasanene'da kahelek, neu hataholi manafali ma'is leme mamana tu'u-tapak ndia mai, sala-singon-nala.

MAZMUR 134:2

So'uk emi limam-ma, leo mamana malalao-malalafuk-ka neu, fo koa-kio Manetualain leona!

MAZMUR 28:2

Mamanene au dokodoeng-nga, metema au nggasi, fo au oke tutulu-fafalik, ma au so'uk au limang-nga, fo natu'du leo O Uma malalao-malalafum-ma neu.

MAZMUR 5:3

Taoafik neu au dokodoeng ma tulu-fali au, ou au Maneng ma au Manetualaing-nga.

MAZMUR 63:4

O susue-lalaim belin-na, lena heni maso'dak-ka, hu ndia de, au koa-kio O.

KELUARAN 29:39

Esa soaneu tutunu-hohotu fafain-na, ma esak-ka soaneu tutunu-hohotu le'donoson-na.

KELUARAN 35:15

mei fo mamanak tunu boomenik-ka no ai ndondolon-na, mina feta, boomenik kaboomenik; tema lelesu soaneu Lalaa Temak lelesun-na,

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

DANIAL 9:21

Lelek au bei hule-haladoi te, Gabrial fo au ita basan nai au ninita makahulung-nga dalek ndia, ana laa nasale leo au mai. Ndia te, nandaa no hataholi-la fain fo tunu-hotu tutunu-hohotu le'donoson-na.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

BILANGAN 16:35

Boema Manetualain fe ha'i mai, de na'a naputu la'iesak hataholi ka natun dua limahuluk fo, manatunu-hotu boomenik sila-la.

HATAHOLI 3:1

Faik esa boema, Petrus no Yohanis leu leo Amak Manetualain Uman la'e li'u telu le'donoso na, fo ala hule-haladoi.

1 TIMOTIUS 2:8

Au nau, fo ela su'di nai mamanak bee ndia boe, basa tou kala hule-haladoi no dale malalaok, boso no nasa-meluk do nale'a-napilik.

NINITAK 5:8

Bi'ilopo Ana ndia beitao leondiak te, mahahae kaha kala ma lasi-lasik kaduahulu hak sila la, bala leu mata na. Sila esa soona, ana ho'u sasanu ma mango lilopilas fo isi na boominik, fo nde Manetualain hataholi kamahehele nala huhule-haladoin.