MAZMUR 140:13 - Susula Malalaok Hehelu Palak Ma Hehelu Beuk

¹³ Au bubuluk, O fe ndoos ma matetuk-ka neu hataholi nanatuni-ndenik-ka, ma O masala'e hataholi nuu ta-hata tak-ka dede'an-na.

MAZMUR 140:13 ပူးပေါင်းရင်းမြစ်များ

AYUB 36:6

Ana ta po'ilotak hataholi masala-masingok-ka, naso'da nala dook-ka fa, Ana fe ndoos ma matetuk-ka, neu hataholi manadoi-dosok-ka.

MAZMUR 11:7

Nana Manetualain malole, ma ndoos ma matetuk, Ana sue-lai hataholi manatao tatao-nono'i malole-a; hataholi dale ndoos-sa, neukose nita ma nalelak Manetualain.

MAZMUR 16:11

O matu'du au, enok manaleo maso'dak-ka neu; nai O dalek, au hapu namahoko-seteleek fo, manasasi kao-kaok-ka, ma ua-nalek-ka losa dodoon-na.

MAZMUR 23:6

Au bubuluk O malole neu au ma sue-lai au tataas esa. Hu ndia de, au bole leo nai O Umam, nai au fai maso'dang-nga dalek.

MAZMUR 32:11

Hai hataholi kamahehelek-kala lemin, mamahoko ma setelee Leona, nanahu hata fo Manetualain tao-no'i basan so. Hai basa hataholi fo, dale ndoos-sala lemin! Eki ma matadale leona!

MAZMUR 35:10

Au afa'da no au dale katema tuang-nga ae, “Manetualain, See kande sama leo O! O soi-po'i tapandoes-sa neme mabe'i-balakaik-ka, nuu ta-hata taak ma doidosok-ka, neme tuni-ndenik-ka mai.”

MAZMUR 73:24

O hela-nole au, nenik nanoli-nafa'dak, de makabuin-na, O sipok au no ha'da-holomata.

MAZMUR 97:12

Mamahoko-setelee leona, hai hataholi dale ndoos-sala lemin, nanahu hata fo, Manetualain tao basan so, ma moke makasi neu Manetualain, fo malalao-malalafuk-ka.

AMSAL 22:23

Nana neukose, Manetualain nasala'e sila dede'an-na, ma Ana ho'i falik hataholi manatuni-ndeni-nana, ani hahaen-na.

YESAYA 3:10

Manetualain nafa'da nae, “Mafa'da hataholi manatunga Au-a, mae neukose sila laua-lanale ma laso'da. Neukose sila hapu la'a-pake lita, sila sosota-mamangun buna-boan.

YOHANIS 14:3

Au u fo Au sadia basa mamanak soaneu emi soona, neukose Au fali ma'i nga, fo Au mai ala emi, fo daenga Au nai bee soona, emi nai ndia boe.

YOHANIS 17:24

Ama, Au nau fo ela hataholi fo Ama ka fes leu Au a, lakabubua lo Au nai Au mamana nga, fo sue ka nde sila lita Au matua-mademang. Matua-madema fo Ama ka fen neu Au nana Ama ka sue-lai Au te daebafak ia beita da'di fa.

1 TESALONIKA 4:17

Basa ndia soona, ita bei maso'dak nai faik ndia, ita sama-sama to hataholi sila la fo, teu tatongo to Lamatua ka nai ko'as lain nai lalai, fo ita leo to Lamatua ka, losa dodoo na.