MAZMUR 14:5 - Susula Malalaok Hehelu Palak Ma Hehelu Beuk

⁵ Hataholi mangalauk-ka, neukose ana bii-namata'u nanseli, nana Manetualain, nasulu-nahapa hataholi fo, manatunga neun-na.

MAZMUR 14:5 ပူးပေါင်းရင်းမြစ်များ

ESTER 8:7

Boema, Mane Ahasyweros-sa nafa'da Ina Manek Ester-ra, ma Mordekhai nae, “Memak au lona basa Haman so, nanahu ana sanga tao namopo-namate hataholi Yahudi-la, ma au fe hata-heton leo Ester neu.

MAZMUR 112:2

Neukose, anan-nala lanuu koasa nusak ia, neukose hataholi malole-a tititi-nonosin, nanaba'e-palak.

MAZMUR 22:30

Basa hataholi matua-la, neukose ala sene-do'ok lai matan-na, basa hataholi daebafak fo, manasapu-manalalok-kala, neukose ala sene-do'ok-kana.

MAZMUR 24:6

Leondiak hataholi fo ana mai leo Manetualain mai, ma hataholi fo ana mai sene-do'ok neu Yakob Manetualain-na.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 46:5

Hapu lee manafaak fo tao lamahoko-setelee Manetualain kotan-na, Manetualain Fo Mademaina mamana leleon-na.

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

MAZMUR 53:5

Manetualain nafa'da nae, “Hataholi mangalauk sila-la ta lame'da fa do? Laso'da lenik ka'da ala kalo Au anang-ngala, ma ta la'iesa fo ala hule-haladoi neu Au fa.”

MAZMUR 73:15

Leouni'ka, au kokolak ae leondia soona, au ke'di-ndiu o anam-mala bobongin-nala.

KELUARAN 15:16

Ala bii-lamata'u lanseli, nai lelek lita matan Manetualain be'i-balakain. Lelek O anam-mala la'ok tunga ndia, tehu musu-a ta napalani kena-ka'i fas; Fe leoina fo O soi-po'i basak-kala lala tasi selik.

AMSAL 28:1

Hataholi mangalauk-ka nalai, leomae hataholi ta usi fan, tehu hataholi dale ndoos-sa, napalani sama leo singa.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 8:10

Tutu'u enok leona, tehu basa-basan neukose manada'di tak. Ho'i nakeketuk leona, tehu sosoa-ndandaan ta, nana Manetualain no ami.

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

SEMUEL SUSULAK-KA ESAN-NA 14:15

Manada'dik ndia taon-na hataholi Filistin manai mamana ofuk-ka ma manai mook-kala, dele. Basa laun Filistin lala'en-na loo manamanea manai uma naneak-kala, boema nakodaa-la bii; lena-lenak daebafak-ka dele, ma nakalupu matuaina da'di.