MAZMUR 14:1 - Susula Malalaok Hehelu Palak Ma Hehelu Beuk

¹ Soaneu mauli-malanga nakameek-ka. Dauk kokoa-kikion-na. Hataholi nggoak-ka, kokolak nai dalen dale nae, “Manetualain ta.” Sila tatao-nono'in mangalauk, ma ta kandaak fa, ta hapu manatao malole fa.

MAZMUR 14:1 ပူးပေါင်းရင်းမြစ်များ

KEJADIAN 6:5

Manetualain nita hataholi daebafak-kala tatao-nono'i mangalaun-nala, ba'un-na seli nai daebafak-ka; dudu'a-aafin-nala mangalauk tataas esa.

AYUB 15:16

Muda hata no hataholi daebafak fo, dudu'a-aafi tak ma manggenggeok, fo ninu tatao-nono'i mangalauk-ka, sama leo oe-a.

AYUB 22:13

Tehu, o matane mae, “Ndia bubuluk beek? Ndia nai ko'as-sa selik, de Ana ta bisa naketu-nala'di ita fa.”

MAZMUR 10:4

Hataholi masala-masingok-ka, ta taoafik neu Manetualain fa, nanahu koao-ndaeaon, de ana dudu'a-dodoo nae, Manetualain ta.

MAZMUR 107:17

Hapu nggelok nggoak-panganaa, ma doi-doso, nanahu sala-singon-nala, boema, nanafepa-li'uk, nanahu sila salan-nala.

MAZMUR 53:1

Soaneu mauli-malanga nakameek. Tunga nakameek Mahalat-ta. Dauk nakamee nanolin-na.

MAZMUR 73:3

nana au ape'da dalek neu hataholi manakoao-ndaeaok-ka, ma nai lelek au ita hataholi mangalauk-ka, ua-nalen malole.

MAZMUR 92:6

Ou Manetualain, O tatao-nono'im matuaina nanseli, O dudu'a-aafim deman-na seli!

AMSAL 1:22

“Hai, hataholi nggoak-panganaa-la lemin! Emi nau leondiak mahele, losa faihi'da? Faihi'da, besak-ka fain-na losa, soaneu emi hahae makadadaek manatee-tenok-ka, ma tipa nanolik-ka?

AMSAL 1:7

Soaneu hapu malelak-ka huun-na, makasososan-na hataholi-a muse nanuu dudu'a-aafi ha'da-holomata ma bibii-namata'uk neu Manetualain. Hataholi nggoak-ka, ana ta taoafik neu manatee-tenok-ka, ma ana tanau nanoli fan.

AMSAL 13:19

Malolen-na seli, metema hapu hata fo nahiik-kana! Hataholi nggoak-ka, ta nau tu'u-tapa heni tatao-nono'i mangalauk-ka fa.

AMSAL 27:22

Leomae fepa napane'e hataholi nggoak-ka boe, neukose ta mopo nggoan-na fa.

PENGKHOTBAH 7:20

Nai daebafak ia, ta hapu hataholi matetu-mandaak fa; ta hapu hataholi manatao malole tataas esa fa, ma beita nasala-nasingo nita fa.

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

YEREMIA 5:12

Manetualain anan-nala, lafa'da hata fo ta la'e fan, la'eneu Manetualain. Ala lafa'da lae, “Ah, neukose Ana ta tao hata-hata fa. Neukose soe ta la'e ita fa, ma neukose ita ta la'ola'di natee-natatik, do la'a-ndoes fa.

YEREMIA 6:28

Sila basa-basas ta tunga paleta, ma langabatuk-kala, de langan-nala tean-na, sama leo liti ma besi-a. Ha'da-paliin-nala kaboo-kabalik, ma ala la'ok su'di leo bee leu soona, ala kokolak langgenggeo hataholi fe'ek na'den-na.

MATEOS 12:34

Emi hataholi mangalauk, na tao leo bee fo emi hapu kokolak dede'a malole, metema emi hataholi mangalauk? Hata fo bafa ka kokola kana, ndia nde kalua neme dale ka mai!

MATEOS 15:19

Nanahu dudu'a-aafi mangalau ka da'di neme dale ka mai, fo ana tao na hataholi a nanisa, hohonge, sosoa-piao, namanako, fe sakasii pepekok ma nakasasa'ek dede'ak neu hataholi.

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

EFESUS 2:12

Nai lelek ndia, emi ta da'di esa mo Kristus fa. Emi nde bee na, hataholi manamai, fo emi ta masok nai Manetualain hataholi kamahehele nala dalek fa. Emi ta masok nai Manetualain hehelu-balataan fo Ana taon no hataholi kamahehele nala dalek fa. Emi maso'da nai daebafa ka, ta no namahehenak ma ta no Manetualain.

TITUS 1:16

Lafa'da lae, sila lalelak Manetualain, te se'kona nai tatao-nono'i nala, dalek soona, lalelesi Manetualain. Sila hataholi nanamaluak, ma ta mana tunga paleta fa; Hataholi sila la nde bee na hataholi fo, ala ta hapu tao tatao-nono'i malole esa boen.

TITUS 3:3

Nana makahulu na ita bei nggoa kala, ita beitatofa-tatalak, ma ita ta tunga paleta fa. Ita beitaso'da nai nasa melu ka dalek, ma ita beitape'da hihii-nanau mata-mata kala nai ita dalen dale; ita beitape'da dudu'a-aafi mangalauk nai ita dalen dale, ita ta nau hataholi lenak ita boema esa bei nakamuu-nakadau esa.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

SEMUEL SUSULAK-KA ESAN-NA 25:25

Au Ama Maneng-nga, boso dudu'a-dodoo Nabal, fo hataholi sosoa-ndandaa tak ndia! Ndia, hataholi nggoak sama leo na'den-na, sosoa-ndandaan. Atam-ma ta nita au Ama Maneng nadenu hataholi sila-la fa.