MAZMUR 139:14 - Susula Malalaok Hehelu Palak Ma Hehelu Beuk

¹⁴ Au koa-kio O, nana au anseli! O tatao-nono'im lala'ena, mata beuk, ma dodoo doak-kana, te'e-te'e, au ame'da itan.

MAZMUR 139:14 ပူးပေါင်းရင်းမြစ်များ

AYUB 5:9

Manetualain tao tatao-nono'i matuaina-la, de ita ta hapu dodoo-tala fan, Ana tao manada'di beuk-kala, ta hapu leke-na dede'un-na fa, ma ta basa fan.

MAZMUR 104:24

O ue-le'dim makadotok nanseli, Manetualain, O makadada'dik basa-basan nenik manatee-tenok; daebafak-ka henuk no basa hata, fo O makadada'dik-kana.

MAZMUR 111:2

Tete'ek-ka, Manetualain tatao-nono'in matabeuk, nandaa, hataholi fo lahiik-kana, ala palisak matalololen.

MAZMUR 40:5

Maua-manalek ba'eneu hataholi fo, namahele neu Manetualain, fo ana ta tunga sene-do'ok neu lamatua daebafak-kala, do noke tutulu-fafalik neme hataholi manakaoa-ndaeaok-ka mai fa.

MAZMUR 92:6

Ou Manetualain, O tatao-nono'im matuaina nanseli, O dudu'a-aafim deman-na seli!

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!