MAZMUR 138:7 - Susula Malalaok Hehelu Palak Ma Hehelu Beuk

⁷ Nai lelek, susa tuni-ndeni au, O ho'u mahele au so'dang-nga. O la'ban au musung fo, nasan-na lua ponu-ponu, de O soi-tefa-mala au, nenik O koasam-ma.

MAZMUR 138:7 ပူးပေါင်းရင်းမြစ်များ

AYUB 13:15

Au daleng-nga kisak, nana ketu au namahehenang-nga so! Metema, Manetualain sanga taonisa au soona, au ta aule-ahelu fa, tehu, neukose au asala'e ha'da-paliing, nai matan-na.

MAZMUR 17:7

Matu'du O susue-lalaim fo, matua-mademam-ma nana O soi-tefa-ma, hataholi fo nasulu-nahapa neu O, Nai O boboam-ma, ala hapu nee-nee lino-linok, neme musu-a mamain-na.

MAZMUR 18:17

Manetualain look liman-na neme lain mai de Ana ho'u-na au, de Ana hela-na au neme oe mademaina dale mai.

MAZMUR 18:18

Ana soi-tefa-nala au neme musu mabe'i-balakaik-ka mai, ma neme hataholi fo ta lahiik lo au fa, nanahu ba'eneu au soona, sila mabe'i-balakaik nanseli.

MAZMUR 18:35

Ana nanoli au, soaneu natee-natatik-ka nalosa au hapu hela abe'i kokou mateaina-la.

MAZMUR 20:6

Boema ami eeki-matadale nanahu o sesengim-ma, ma ami so'uk dedeo-la, soaneu koa-kio ita Manetualain. Ela leo been-na Manetualain sipok basa o nonokem lala'ena.

MAZMUR 44:3

O mesam-ma usi heni leoina-la fo ela O anam-mala leo lahele nai sila nusan-na. O fe leoina fe'ek-kala hapu soe, tehu O po'ilotak O anam-mala lamade'u.

MAZMUR 56:9

O leke au leu-laang, fain-nala, ma O bubuluk au luu oeng-nga baba'un-na; ade, O ta hinga-leke fan do?

MAZMUR 60:5

O po'ilotak O anam-mala la'ola'di doi-doso mabelaina; ami masoo-penok, sama leo hataholi manamafuk-ka.

MAZMUR 77:10

Ade, Manetualain nafandele henin, de Ana ta sue-lai so'on do? Ade Ana namanasa, de nalosa ta nanuu dale kasian so'on do?”

MAZMUR 85:6

Losa dodoon-na, O mamanasa ami, de O mamanasa mahele neme bobongik leo bobongik neu do?

YESAYA 10:4

Emi ua-nalem, nde ka'da nanataonisak nai natee-natatik dale, ma nanafook da'di leo hataholi nanafook. Tehu Manetualain bei namanasa, de Ana huku nahele.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YESAYA 57:16

Au ta fe salak neu Au anang-ngala, losa dodoon-na fa; Au ta amanasa akandondoo henin fa, fo ela ala manggate lakandoo, te se'kona, Au nde fes maso'dak-ka.

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

YEREMIA 51:25

Hei Babel, o sama leo letek fo ana tao nakalulutuk basa daebafak. Tehu Au, Manetualain neukose la'ban o, Au hele loloso ma loli o leo ha'i fo ela ha'i na'a heni o da'di afu.

HATAHOLI 2:33

Boema Manetualain so'un da'di mana koasa matua-madema. Ma Ana fen Dula Dalek fo Ana helu basa ka. Hu ndia de, mita ma mamanene, te Ana fe ami Dula Dalek ndia boe.