MAZMUR 137:1 - Susula Malalaok Hehelu Palak Ma Hehelu Beuk

¹ Ami mangatuuk nai lee Babel-lala su'un-na, de ami kii, metema ami mafandele Sion.

MAZMUR 137:1 ပူးပေါင်းရင်းမြစ်များ

EZRA 8:21

Boema au po'a-benga nai Lee Ahawa su'un-na, ae basa-basam-mala muse okaaom-mala, ma makaloe-makadae aom-ma nai Manetualain matan. Ami hule-haladoi, fo ela Manetualain hela-nole ami, nai ami leleo lala'om-ma dalek, boema nasulu-nahapa ami, ami anam-mala, ma basa ami hata-hetom lala'en-na.

EZRA 8:31

Nai hataholi Yahudi-la bula ka esan-na, fain sanahulu dua boema, ami la'oela Lee Ahawa, de ami meu leo Yerusalem meu. Nai ami leleo-lala'om-ma dalek, ami Manetualaim-ma nasulu-nahapa ami, neme musu mamain-na.

NEHEMIA 2:3

boema au ataa ae, “So'dak ba'eneu Ama Manek losa dodoon-na! Tao leo bee fo atam-ma dalen-na ta he'dis-sa fa, metema kota fo au bei-ba'i kaing-ngala mamana natoi-natonon-nala, besak ia ela ka'da ai batu madodouk-kala, ma ha'i na'a nakalulutuk basa lelesuinan-nala so.”

MAZMUR 42:4

Lele'do-le'odaen au kii, luu oe-a da'di au nana'a-nininung. Fai katemak esa dalen-na, au musung-nga natane, “O Manetualaim-ma nai bee?”

YESAYA 66:10

Mamahoko-setelee sama-sama mo Yerusalem leona, hai basa hataholi fo, manasue-lain-nana. Emi fo manasusak-kala, nanahu ndia, besak ia, bole mamahoko-setelee.

YEREMIA 13:4

“Muu leo lee Efrat, fo mafuni lafa keke'uk ndia lo batu-la lelan-na neu.”

YEREMIA 15:17

Au ta amahoko-setelee o hataholi fo ka'da lakabubua soaneu lakasosoe aok fa. Hu ka nde namahelek neu o-a de, au ame'dan no nameme'dak nasa-meluk.

YEREMIA 51:13

Nusak ndia henuk no su'i-betes ma lee-la ba'uk, tehu fai so'dan-nala basan so; fai mamate-mamopo mate'en-na losa so.

YEREMIA 8:19

Mamanene! Te nai nusak-ka lala'en-na nadodolo, au leoinang kii ma lakadii-lakau no latane lae, “Ade Manetualain ta nai Sion so'on do? Manen-na, besak ia nai bee so?” Manetualain, fo sila manen-na nataa nae, “Tao le'e de, o sene-do'ok neu lamatua daebafak-kala, fo sosoa-ndandaan ta makandondook ndia fa? Tao le'e de, o tao makahehe'dik Au daleng-nga, nenik sene-do'ok neu sosongo-tatangok-kala?”

RATAPAN 1:16

Hu ndia de, au luuoeng-nga titi henin, ta hapu hataholi fe au manggatek ma kokoe-nanasik fa. Au leoinang-nga lamopo hata lala'en-na so, nanahu musu-a koasan-na lena.

RATAPAN 2:18

Hai papaka nanadamak Yerusalem-mala lemin, maloo bou-bou neu Manetualain! Fe o luuoem-ma tu'da sama leo lee-a ana faa lele'do-le'odaen. Kii makandoo fo boso hahae losa o aom-ma sota-mangu!

RATAPAN 3:48

Au luuoeng-nga faa, sama leo lee-a nanahu au leoinang-nga nakalulutuk so.

RATAPAN 3:51

Au daleng-nga he'dis-sa mete ina-inak manai ami kotam-ma ua-nalen.

YESKIAL 1:1

Nai hataholi Yahudi-la bula ka haan-na fain lima, nai teu ka teluhulun-na dalek, fo ndia te Manek Yoyakhin-na, nanafook leo mamana tu'u-tapak neu, de ana leo teuk lima dalen-na nai ndia so, boema au, Imam Yeskial, fo Busi anan-na, sama-sama o hataholi Yahudi fe'ek nanafook-kala nai Lee Kebar-ra su'un-na. Boema no kaiboik, lalai-a natahuka, de au hapu ninitak la'eneu Manetualain. Au amanene Manetualain kokolak no au, de koasan-na poti-na au.

YESKIAL 3:15

Boema, au losa hataholi nanatu'u-tapak-kala mamana leleo-na, nai Tel-Abib, fo nai Lee Kebar-ra, su'un-na; au angatuuk de au dodoo basa hata lala'en fo, besak-ka au amanenen ma au itan ndia.

DANIAL 9:3

Boema au hule-haladoi no te'e-te'ek neu Manetualain, ma au dokodoe susue-lalain. Au okaaong-nga boe, ma pake si'di kalong de au angatuuk nai afu dale.

LUKAS 19:41

Lelek Yesus boetai deka no Yerusalem, de Ana mete nita kota ndia boema Ana kii.

NINITAK 11:3

Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”