MAZMUR 134:2 - Susula Malalaok Hehelu Palak Ma Hehelu Beuk

² So'uk emi limam-ma, leo mamana malalao-malalafuk-ka neu, fo koa-kio Manetualain leona!

MAZMUR 134:2 ပူးပေါင်းရင်းမြစ်များ

NEHEMIA 8:6

Boema Ezra nae, “Koa-kio Manetualain, Manetualain fo matuaina!” Laun-na lala'en-na so'uk liman-nala leo lain neu ma lataa lae, “Amin, amin!” Boema ala sene-do'ok neu Manetualain.

MAZMUR 141:2

Sipo-ma, au huhule-haladoing, da'di leo tunu-hotu boominik, ma au limang fo, nanaso'uk-ka, da'di leo tutunu-hohotu le'odaek.

MAZMUR 26:6

Au safe au liman-nga, fo da'di ta'du-tana nae, au salang ta, ma au la'ok okofefeok O mei tunu-hotum, ou Manetualain,

MAZMUR 28:2

Mamanene au dokodoeng-nga, metema au nggasi, fo au oke tutulu-fafalik, ma au so'uk au limang-nga, fo natu'du leo O Uma malalao-malalafum-ma neu.

MAZMUR 63:2

Ou Manetualain, au Manetualaing-nga nde O, au sanga ma ahiik O. Sama leo dae tokotik-ka, ana maa ma'da oe, leondiak boe, au maa ma'da neu O.

MAZMUR 63:4

O susue-lalaim belin-na, lena heni maso'dak-ka, hu ndia de, au koa-kio O.

MAZMUR 63:5

Au oke makasi neu O, nai au fai maso'dang-nga dalek; au so'uk au limang-nga neu O, boema au hule-haladoi,

RATAPAN 2:19

O fo'a do'e-do'e le'odae katemak esa soaneu nggasi fo mafa'da o dalem-ma oe-isin neu Manetualain. Moke leon, fo ela dalen-na tu'da kasian neu o ana kamala'am-mala ma manasapala'ok manai basa eno heheok-kala.

1 TIMOTIUS 2:8

Au nau, fo ela su'di nai mamanak bee ndia boe, basa tou kala hule-haladoi no dale malalaok, boso no nasa-meluk do nale'a-napilik.