MAZMUR 132:9 - Susula Malalaok Hehelu Palak Ma Hehelu Beuk

⁹ Ela leo bee-na, O anam-mala eeki-latadale, ma lamahoko-setelee, ma basa O imam-mala, laso'da tunga O hihii-nanaum tataas esa.

MAZMUR 132:9 ပူးပေါင်းရင်းမြစ်များ

2TAWARIKH 6:41

Fo'a besak ia leon, ou Manetualain! Ma sama-sama moo Peti Hehelu-balataak fo ana da'di dulak neme O koasa-ma mai ndia, ela leo been-na O masok leo O Uma ia dalek muu, fo leo nai ialosa dodoon-na. Ba'epala basa O imam-mala tatao-nono'in lala'en-na, ma ela leo been-na O anam lala'en-na laua-lanale nanahu O malole neu sila.

AYUB 29:14

Au ho'i nakeketuk soona, tunga ndoon-na, ma bu'u-ba'en ta; au apadedeik atetu ndoos ma matetuk-ka tataas esa.

MAZMUR 104:1

Koa-kio Manetualain, hai au samaneng-nga! O matua-madema manseli, ou Amang Manetualaing! O pake papake-ngganggao nanakoa-nanakiok, ma mandela-masa'ak,

MAZMUR 132:16

Imam-imam-nala, latu'du so'da-molek-ka, neme Au mai; neukose, anan-nala lakamee, ma ala eki ma lamahoko-setelee.

MAZMUR 149:5

Nemen-na fo, Manetualain anan-nala lamahoko, nanahu mandela-masa'an-na, ma lakamee no namahokok, le'odae katemak esa dalen-na.

MAZMUR 47:1

Teidalek Korah kokoa-kikion-na. Soaneu mauli-malanga nakameek.

MAZMUR 68:3

Manetualain usis henis, de ala la'o, sama leo anin-na fuu ha'imasuk-ka de mopon sama leo lilik-ka faa nai ha'i dale, leondiak boe, hataholi mangalauk-ka, mopok-kana neme Manetualain matan-na mai.

MAZMUR 70:4

Nemen-na fo, hataholi manahika au-a, ana nggenge ma ana mae.

MAZMUR 93:1

Manetualain nde bee-na, Manek; Ana pake papake-ngganggao matua-madema ma mabe'i-balakaik. Daebafak-ka napadeik natetu, de ta nanggengo fa.

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

YESAYA 65:14

Te'e-te'e, neukose ala eeki-latadale, tehu emi kii noi-noi.

ZEFANYA 3:14

Hai Israel, eeki-matadale, ma makamee leona! Hai Yerusalem, mamahoko no dalek-katematuak leona!

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

ROMA 13:14

Neme na fo Lamatuak Yesus Kristus nde naketu hata fo emi muse tao-no'i nana. Ma boso tunga hataholi masala-masingo kala ha'da-paliin fo sa'di ala tao latetu sila nasamelun.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”

NINITAK 19:8

Manetualain fe basan, bua papakek fo nanataok neme tema fula balisi ma mangadilak neu pengante na.” (Tema fula mangadilak ndia nde bee na, ta'du-tana neme Manetualain hihii-nanaun fo hataholi kamahehele nala nde tao nana.)

HAKIM-HAKIM 5:31

Ou Manetualain, sa'di leo been-na, mate O musum-mala, sama leo Sisera, tehu basa O tia-laim-mala nanakoa-nanakiok, sama leo le'do-a nai lalai! Basa ndia boema, nusak ndia tetu-temak, teuk haahulu dalen-na.