MAZMUR 132:14 - Susula Malalaok Hehelu Palak Ma Hehelu Beuk

¹⁴ Nafa'da nae, “Au mamana leleong-nga nai ia, losa dodoon-na Au hii paleta nai mamanak ia.

MAZMUR 132:14 ပူးပေါင်းရင်းမြစ်များ

1RAJA-RAJA 8:13

Besak ia au afofo'a uma mana'ahiik soaneu O, soaneu O mamana leleo ma losa dodoon-na.”

1RAJA-RAJA 8:27

Tehu, ou Manetualain, tete'e ka O nau leo nai daebafak ia do? Lalai lala'en-na boeo, loloan-na ta dai soaneu O fa, mu'da hata no uma hule-haladoik fo au afofo'ak ia!

1RAJA-RAJA 9:3

Manetualain nafa'dan nae, “O hule-haladoim Au amanenen so, ma no uma fo o mapadedeik basan ia, Au aketu ana da'di mamana hehelik soaneu hule-haladoi neu Au losa dodoon-na. Neukose Au taoafik ma anea mamanak ia tataas esa.

1 TAWARIKH 23:25

Dauk nae, “Israel Manetualain, fe basa tetu-temak neu anan nala, ma Ndia mesak-kana leo nai Yerusalem losa dodoon-na.

MAZMUR 132:8

Fo'a leona, ou Manetualain, fo muu leo O mamana hahaeaom-ma muu, O ma O Peti Hehelu-balataam, fo O be'i-balakaim-ma.

MAZMUR 135:21

Koa-kio Manetualain nai Sion, ma nai Yerusalem, fo mamana leleon-na. Koa-kio Manetualain leona!

MAZMUR 68:16

Lete Basan-na nde bee-na, letek fo anseli, letek fo leteanak makadotok lai poin-na.

MAZMUR 68:18

No kaleta matea-mahelek lifu-lifuk-kala, Manetualain mai nai sila tala'da nai matua-mademan-na dalek.

MAZMUR 76:2

Manetualain nananita-nalelak nai Yehuda; na'den-na nanakoa-nanakiok nai Israel.

MAZMUR 87:2

Ana sue-lai-na Yerusalem ba'un-na seli, neme basa kota manai Israel-la.

YESAYA 11:10

Neukose fain-na losa, leoina-la tao matak neu manek esa, neme Dauk tititi-nonosin mai. Neukose ala mai neun, ma ala koa-kio mamana leleon-na.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 66:1

Manetualain nafa'da nae, “Lalai-a nde been-na, Au kandela maneng-nga, ma daebafak-ka, Au ei tata'bung-nga. Da'di, uma matak leo beek-ka nde, o sanga mafofo'an soaneu Au, ma mamana matak leo beek-ka nde, o sanga taon da'di Au mamana leleong-nga?

YESAYA 8:18

Au ma Manetualain fe au anak-kala nde ia. Manetualain Fo Manakoasa, paleta nai Pupuku Sion-na, nadenu au da'di ta'du-tana soaneu hataholi Israel-la.

ZEFANYA 3:17

Emi Manetualaim-ma fo mabe'i-balakaik-ka, nananasulu-nahapak emi. Emi sengi nanahu koasan-na. Manetualain namahoko ma setelee, nanahu emi, Nai susue-lalain-na dalek, Ana fe emi so'da beuk. Hu ka nde emi, de nakamee no namahokok

MATEOS 23:21

Ma metema hataholi esa ana supa-soo ninik Manetualain Uma na, soona ndia sosoa na nae, ana supa-soo ninik Lamatua ka Uman ndia, ma ninik Manetualain fo mana leo nai ndia boe.

EFESUS 2:22

Hu no maso'dak fo da'di esa no Kristu sa de, emi boeo nananafofo'ak sama-sama no hataholi fe'e kala, da'di uma esa soaneu Manetualain; fo Manetualain no Dula dale na, leo lai ndia.

IBRANI 12:22

Nasafali na, emi mai leo Pupuku Sio na mai, ma Manetualain kotan fo maso'da ka, fo nde Yerusalem manai nusa so'da ka no ata nusa so'da lifu-lifu nala.

NINITAK 21:23

Kota ndia ta paluu hapu mangale'dok neme le'do haa na do bula ka mai fa, nana Manetualain ndela-sa'an, nandela-nasa'a nan ma Bi'ilopo Ana ndia nde bee na kota ndia banu na.