MAZMUR 129:5 - Susula Malalaok Hehelu Palak Ma Hehelu Beuk

⁵ Nemen-na fo, ba'eneu hataholi fo, ta nahiik Sion fa, ana kala, fo nakadedeak.

MAZMUR 129:5 ပူးပေါင်းရင်းမြစ်များ

NEHEMIA 6:16

Lelek ami musu-musum manai leoina titia-tataik sila-la lamanene dede'ak ndia boema, ala bii mopo na'den-nala, nana basa hataholi-la bubuluk lae bela-ba'uk ndia nanataok nenik Manetualain tutulu-fafalin.

ESTER 6:13

Ana tui saoinan-na, ma nonoon-nala, hata fo ana la'ola'din. Basa boema, saoinan-na ma nonoon fo manatee tenok sila-la, lafa'dan lae, “O balakaim-ma ta dai Mordekhai fa. Ndia hataholi Yahudi, de neukose o ta hapu la'ban-nana fa. Tao leo bee-o, ana sengi o.”

ESTER 9:5

Leondiak leoina Yahudi-a tao su'di bebe'ik-ka neu musun-nala, ma leni tafaina, fo leu sapu-lalas, boema taolisas.

MAZMUR 122:6

Hule-haladoi leon, ba'eneu Yerusalem tetu-teman mae: “Ela leo bee-na, basa hataholi fo manasue-lai o-a, ala hapu tetu-temak.

MAZMUR 40:15

Nemen-na fo, hataholi fo nahiik taonisa au-a ana kala boema nalai napangamak. Nemen-na fo, hataholi manaeki au doi-dosong-nga, ana kala ma nananakamumulu-nakamamaek.

MAZMUR 71:13

Nemen-na fo, hataholi fo manasapu-na au-a, nananakamamaek ma nanatao namopo-namatek. Nemen-na fo, hataholi fo ana nau tao soe au-a, napangamak ma nakamumulu-nakamamaek-ka, poti nalan.

YESAYA 10:12

Tehu Manetualain nafa'da nae, “Metema hata fo Au sanga taon nai Pupukuk Sion-na ma nai Yerusalem ndia basan soona, neukose Au huku manek Asyur-ra, nanahu manakoao-ndaeaon-na ma namatutua-namadedema aoinan-na.”

YESAYA 29:8

Leoina fo, lakabubua soaneu sapu-la Yerusalem-ma, neukose sama leo hataholi kamala'ak fo, ana nalame'i na'a, boema ana fo'a no tei louk, do sama leo hataholi manamaa ma'dak-ka, fo nalame'i ninu, boema ana fo'a no botolii koko'don-na tuuk.

YESAYA 37:22

de Manetualain nafa'da nae, “Kota Yerusalem-ma hika, ma hakinonoli o, Sanherib!

YESAYA 37:35

Neukose Au asala'e, ma asulu-ahapa kota Yerusalem-ma, hu kande Au na'deng-nga mesak-kana, ma hu kande Au hehelu-balataang o Au atang Dauk.’ ”

MIKHA 4:11

Leoina makadotok lakabubua basa fo sapu-la o, hai Yerusalem! Lafa'da lae, “Muse tao nakalulutuk Yerusalem! Neukose ami mete kota ndia da'di ai-batu madodouk!”

ZAKHARIA 12:3

Tehu neu faik bee, fo faik ndia losa soona, neukose Au tao-a Yerusalem, sama leo batu mabelaina; fo su'di leoina bee boe, ana so'u so'ban, soona ana hapu soe. Basa leoina manai daebafak-ka, lakabubua, fo leu sapu-la Yerusalem.

ZAKHARIA 12:6

Nai faik ndia, neukose Au tao-a Yehuda teidalen-nala da'di sama leo ha'i-a nai ai ha'i madodouk dale, do obol-la pila nai gandum aik-kala dalek; neukose ala tao lamopo-lamate leoina manai boboa-kaisun-nala Tehu laun Yerusalem-mala, neukose ala leo lahele leme kota dale no nee-nee lino-linok.

1 KORINTUS 16:22

Hataholi fo ana ta sue-lai Lamatua ka, neme na fo nanasoo-supak! Maranata! – Ami Lamatua ma mai leona.