MAZMUR 126:5 - Susula Malalaok Hehelu Palak Ma Hehelu Beuk

⁵ Ela leo bee-na, hataholi manasele-nggali no kikiik-ka, ana ketu-kolu no eeki-natadalek.

MAZMUR 126:5 ပူးပေါင်းရင်းမြစ်များ

MAZMUR 137:1

Ami mangatuuk nai lee Babel-lala su'un-na, de ami kii, metema ami mafandele Sion.

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YOEL 2:17

Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

MATEOS 5:4

Maua-manalek neu hataholi fo dale na he'di sa; nanahu neukose Manetualain kokoe-nanasis!

GALATIA 6:9

Hu ndia de, ita boso pela-malua tao-no'i dede'a malole; nanahu metema ita ta hahae tao-no'i dede'ak sila la fa soona, neu faik esa te, neukose ita ketu-kolu buna-boan.