MAZMUR 125:5 - Susula Malalaok Hehelu Palak Ma Hehelu Beuk

⁵ Tehu hataholi manake'di-ndiuk-ka, ela leo bee-na, Manetualain hukun, sama-sama no hataholi mangalauk-ka. Ela leo bee-na, O anam-mala so'da-molek!

MAZMUR 125:5 ပူးပေါင်းရင်းမြစ်များ

2 SEMUEL 22:22

Au tunga Manetualain paletan-na, ma au ta lepos asadea, au Manetualaing-nga fa.

AYUB 23:11

Au tungan no lilinekak; au beita singo ita neme enok fo, naketuk-ka mai fa.

MAZMUR 101:3

neukose au ta po'ilotak tatao-nono'i mangalauk-ka fa. Au ta hii hataholi manafali deak-ka, tatao-nono'in fa, ma au ta nau sanga langa he'dik o fas.

MAZMUR 128:6

Ela leo bee-na, o teum-ma namanalu, fo o mita o upu-anam! Ela leo bee-na, Manetualain anan-nala so'da-molek!

MAZMUR 40:4

Ana nanoli au, nakamee-nakamee beuk, nakamee kokoa-kikiok, soaneu ita Manetualain-na. Hataholi makadotok litan, de ala bii-lamata'u, boema lamahele neu Manetualain.

MAZMUR 92:10

Ou Manetualain, ami bubuluk O musum-ma, neukose nanatao namopo-namatek basa hataholi mangalauk-kala, neukose nanatao tapasasalak.

MAZMUR 92:7

Hataholi nggoak-ka, ta bubuluk fa, hataholi nggoak-panganaa, ta nalelak dede'ak ndia fa.

MAZMUR 92:8

Bole da'di, hataholi malelesik-ka moli fo nalole sama leo na'u-a, ma hataholi manatao mangalauk-ka, boetai namasu'ik-ka ma tetu-temak; tehu neukose, sila nanatao namopo-namatek losa dodoon-na,

MAZMUR 94:4

Ala kokolak dede'a manggenggeok, ma ala koao-ndaeao lenik sila tatao-nono'i mangalaun-na.

AMSAL 14:14

Hataholi mangalauk-ka, neukose ketu-seu tatao-nono'i mangalaun-na buna-boan; tehu hataholi malole-a, neukose ana ketu-seu tatao-nono'i malolen-na, buna-boan.

AMSAL 2:15

Ala ta tao tunga ndoon-na fa, ma ala la'ok sala eno ndoos-sa.

AMSAL 21:16

Hataholi fo so'dan-na, ta tunga enok malole-a fa soona, tao leo bee-o, neukose ana losa, hataholi manamatek-ka daebafan-na.

YESAYA 54:10

Leomae letek-kala, ma pupukuk-kala langgengo, tehu neukose Au ta hahae sue-lai o fa. Neukose Au ho'u ahele, Au hehelu-balataa mole-dameng-nga,” Manetualain fo, manasue-lai o-a, nafa'da nae leondia.

YESAYA 54:13

Basa o laum-mala, ala da'di Au ana sakolang, neukose ala hapu tetu-temak ma so'da-molek.

YESAYA 59:8

Emi ta sanga enok, soaneu mole-dame-a fa, ma basa emi tatao-nono'i mala, ta tunga ndoos ma matetuk-ka fa. Emi enom-ma dopelele'u, de hataholi manala'ok tunga enok ndia, neukose ta naua-nanale fa.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

HOSEA 2:18

Nai faik ndia, neukose Au tao hehelu-balataak o basa bana mata-matak lala'en-na, fo ela ala boso sapu-la Au anang-ngala. Neukose, Au tao ate'e natee-natatik lala'en-na, ma Au pe'da heok tee-tafa natee-natatik-kala, leme Au anang-ngala nusan ndia mai, fo Au tao-alas, laso'da no tetu-temak ma nee-nee lino-linok.

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

MATEOS 7:23

Soona neukose Au ataa ae, ‘Au ta alelak emi makandondook fa! La'o madook ia, hei hataholi mana tao-no'i mangau kala lemin!’ ”

LUKAS 11:25

Lelek ana losa naa, te nita uma ndia balisi ma nanape'da fua matalololek so.

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

GALATIA 6:16

Ba'eneu hataholi fo laso'da tunga dale nakeketu leondia ka, ma ba'eneu Manetualain hataholi kamahehelen lala'ena, au amahena, ela leo bee na, Manetualain fes so'da-molek ma susue-lalai na.

FILIPI 2:15

No enok ndia, emi matu'du mae, emi nde bee na Manetualai nanan, fo sala-singo ta kala, ma emi maso'da tunga ndo na ma emi ndoos nai hataholi mangalauk fo masala-masingo kala tala'da. Ma nai lelek fo emi manduku-malosak halak mana fe so'da ka neu hataholi sila la, ela leo bee na emi mangale'do nai sila tala'da, fo nangale'do na daebafa ka. Metema emi maso'da leondiak soona, neukose au hapu ne'ek soaneu au amatutua-amadedema emi nai lelek fo Yesus Kristus fafali ma'i na. Fo ndia da'di buti nae, au sota-mate te ta louk fa, ma au hapu au tutunga-sasangang buna-boan.

IBRANI 10:38

Ma Au hataholi kamaheheleng fo ndo sa, neukose namahele ma naso'da; tehu metema hapu nai sila tala'da ala fali deak, soona neukose Au ta sue fan.”