MAZMUR 125:2 - Susula Malalaok Hehelu Palak Ma Hehelu Beuk

² Sama leo letek-kala lasulu-lahapa Yerusalem, leondiak, Manetualain nasulu-nahapa anan-nala neme besak ia, losa dodoon-na.

MAZMUR 125:2 ပူးပေါင်းရင်းမြစ်များ

2RAJA-RAJA 6:17

Boema, Elisa hule-haladoi nae, “Manetualain, sa'di leo been-na, O buka au atam-ma matan-na, fo ela ana hapu nita!” Manetualain sipok Elisa hule-haladoin, de nalosa, nai lelek atan ndia mete boema, nita letek ndia, henun no ndala, ma kaleta maha'ik-kala, okofefeo-la Elisa.

MAZMUR 121:8

Ana nanea o, nai lelek o mai, ma o la'o, neme besak ia, losa dodoon-na.

MAZMUR 34:7

Hataholi ua-nale ta malole-a, naloo bou-bou, de Manetualain nataan, Ana soi-po'in neme makase'en lala'ena mai.

YESAYA 4:5

Boema nai pupuku Sion-na, ma basa hataholi fo lakabubua nai ndia, Manetualain nakadada'dik ko'as-sa nai fai lele'don-na, boema ha'imasuk ma ha'ipila mangale'dok-ka, nai fai le'odaen-na. Manetualain no koasan-na mesak-kana, neukose Ana da'di leleo fo nasulu-nahapa kota ndia lala'en-na.

RATAPAN 4:12

Nai mane-manek-kala ma laun daebafak-ka dalek, esa boeo ta namahele nae musu nook-ka bisa masok tunga kota Yerusalem-ma lelesuinan-nala.

ZAKHARIA 2:5

Manetualain naheluk basa nae, neukose Ndia nde da'di papala nanadamak ha'i okofefeo kota ndia, fo nasulu-nahapan, ma neukose Ana leo nai naa, nai koasa ma matua-mademan lala'en-na dalek.”

ULANGAN 33:27

Manetualain nasulu-nahapa emi tataas esa, Alun fo manaketu-basa taak-ka, Ana tia-to'ba emi. Ana usiheni musu-a, neme emi matam-ma mai, fo nadenu emi, tao mamate-mamopos.