MAZMUR 123:2 - Susula Malalaok Hehelu Palak Ma Hehelu Beuk

² Sama-na leo ata esa, namahena neu tuan-na, ma ata inak esa, namahena neu tuan-na saoinan-na, leondiak boe, ami mahani losa O sue-lai ami, ou ami Amam Manetualain.

MAZMUR 123:2 ပူးပေါင်းရင်းမြစ်များ

KEJADIAN 32:26

Boema, hataholi ndia nae, “Po'i au; te ba'ihanak seluk faa bai te, le'do-a tii.” Yakob nataa nae, “Neukose au ta po'i Tuan fa, ta'da fe'e, metema Tuan ba'e-pala au.”

KEJADIAN 49:18

Ou Manetualain, au ahani talu-talu neu so'da-molek fo, O fee-ka.

1RAJA-RAJA 1:20

Ama Manek Fo Mandela-masa'ak, basa laun Israel-la lala'en-na, besak ia bei lahani talu-talu loo nakeketuk neme Ama Manek mai, la'eneu see kande neukose nggati Ama Manek da'di manek.

2TAWARIKH 20:12

O nde ami Amam Manetualaim-ma! Huku-doki hataholi sila leona, nanahu ami balakaim ta soaneu masasalematak moo solda'du makadotok fo ala nau sapu-la ami. Ami ta bubuluk muse tao beek-ka fa, hu ndia de ami mai moke tutulu-fafalik neu O.”

MAZMUR 119:82

Au matang-nga sota-mangu no nahani O tao matetu O hehelum-ma, au afa'da ae, “Neukose faihi'da de'i fo O kokoe-nanasi au?”

MAZMUR 25:15

Au matang-nga mete nahele leo Manetualain neu, nana Ana soi-tefa-na au neme soe-a mai.

LUKAS 18:1

Basa ndia boema Yesus tui nakandandaak esa soaneu nanoli ana manatunga nala fo ela ala hule-haladoi tataas esa ma boso ketu namahehe nala.

YOSUA 10:6

Boema, hataholi Gibeon-nala, haitua halak ia neu Yosua nai mamana ofun-na, nai Gilgal nae, “Boso po'ilotak ami mesam-ma, Tuan! Mai lai-lai, fo fali-ma ami, nana basa manek manai Amori-la, solda'dun-nala lakabubua basa, fo la'ban ami!”

YOSUA 9:23

Hu kande emi tatao-nono'im ndia, de Manetualain huku emi. Neukose, emi leoinam-ma da'di ata tataas esa, manabia ai ma manalepa oe soaneu au Manetualaing-nga Uman-na.”

YOSUA 9:27

Tehu ala taos da'di ata, fo nde manabia ai ma manalepa oe soaneu hataholi Israel-la, ma soaneu Manetualain mei tunu-hotun. Losa besak ia, ala bei tao lahele tatao-nono'ik ndia, nai mamanak fo Manetualain manakoasa hele fes, da'di mamana makaluku-makatele ba'eneun.