MAZMUR 121:4 - Susula Malalaok Hehelu Palak Ma Hehelu Beuk

⁴ Tete'ek-ka, manamasulu-mahapa Israel ndia, Ana ta teekauk nita, do Ana sungu fa.

MAZMUR 121:4 ပူးပေါင်းရင်းမြစ်များ

1RAJA-RAJA 18:27

Losa le'dohana boema, Elia mulai hakinonolis nae, “Hule-haladoi mapane'e seluk! Ndia lamatua daebafak hetu? Fafa'kama ana bei tekauk, do ana leo kakus dale neu. Bole da'di ana bei la'o leo bee neu! Do fafa'kama ana bei sungu, de emi muse fafae mafo'an!”

MAZMUR 127:1

Salomo nakameen-na. Metema, Manetualain ta nde, nafofo'a uma fa soona, basa tuka-la tatao-nono'in manada'di tak. Metema, Manetualain ta nde, nasulu-nahapa kota fa soona, basa manamanea-la nanean-na, manada'di tak.

MAZMUR 27:1

Dauk kokoa-kikion-na. Manetualain nde been-na, au mangale'dong ma au so'da-moleng, au ta bii-amata'u neu hata esa boen. Manetualain nde been-na, au kota musu masulu-mahapang, neukose au ta anggengo fa.

PENGKHOTBAH 8:16

Lelek au sanga enok fo hapu manatee-tenok-ka, ma au taoafik neu manada'dik manai daebafak ia lala'en-na, boema au ame'dan, leomae lele'do-le'odaen ita sota-mate, ta hahaeao-tala faa anak boen,

YESAYA 27:3

Au, fo Manetualain nde manamanean-na; tunga faik, Au tee-tee-totolin, Au anean lele'do le'odaen, fo ela boso hapu hataholi neu adu-dodokin.

NINITAK 7:15

Hu ndia de, lapadeik lai Manetualain kandela mane na mata na fo ala koa-kion lele'do-le'odaen nai Manetualain Uman dale. Ma Ndia fo nangatuuk nai kandela manek ndia lai na, neukose Ana mai fo nasulu-nahapas.