MAZMUR 119:98 - Susula Malalaok Hehelu Palak Ma Hehelu Beuk

⁹⁸ Au afandele O paletam-ma, tataas esa, fo ana tao-na au da'di manatee-tenok, lena heni au musung-ngala.

MAZMUR 119:98 ပူးပေါင်းရင်းမြစ်များ

MAZMUR 119:11

Au pe'da O nanolim-ma, nai au daleng dale, fo ela au boso asala-asingo neu O.

MAZMUR 119:30

Au hele basa soaneu tunga so, ma au afandendelek O paletam-ma, tataas esa.

AMSAL 2:6

Manetualain nde manafe manatee-tenok-ka; hataholi daebafak-ka hapu malelak ma dudu'a-aafi manadaik neme Ndia mai.

AMSAL 28:5

Hataholi malelesik-ka, ta nalelak natalolole ndoos ma matetuk-ka fa, tehu hataholi fo, ana sene-do'ok neu Manetualain-na, te'e-te'e nalelak-kana.

ULANGAN 4:6

Tao-no'i basa sila-la no lilinekak. Metema emi taon leondiak soona, leoina fe'ek-kala lita emi manatee-tenom-ma. Metema lamanene la'eneu hoholo-lalanek sila-la soona, neukose lafa'da lae, ‘Leoina matuaina ndia manatee-tenon-na, ma dodole da'u-na ba'un-na seli!’

ULANGAN 4:8

Ma leoina matuaina beek kande, nanuu hoholo-lalanek fo ndoos ma matetuk nanseli, sama leo hoholo-lalanek fo au anolin neu emi nai faik ia?

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

YAKOBIS 1:25

Manetualain hoholo-lalanen matetu-mandaak, ma nanuu be'i balakaik fo ana soi-po'i hataholi daebafa ka. Hu ndia de, hataholi fo ana palisak matalolole ma ana taoafik matalole boema ana tao tunga hoholo-lalanek sila la, ma ta ka'da namanene fo nafandele heni fas soona, Manetualain fe hataholi ndia baba'e-papalak nai basa tatao-nono'i na dalek.

SEMUEL SUSULAK-KA ESAN-NA 18:14

Nakalala'ok basa bela-ba'un lala'en-na no malole, nana Manetualain tulu-falin.

SEMUEL SUSULAK-KA ESAN-NA 18:30

Metema neu faik beek, fo solda'du Filistin-nala mai sapu soona, Dauk nde taonisa solda'du musu ba'uk-ka, nakalena neme basa Saul malanga solda'du matuaina fe'en-nala mai. Boema Dauk boetai nanakoa-nanakiok.

SEMUEL SUSULAK-KA ESAN-NA 18:5

Dauk nakalala'ok basa Saul fen bela-ba'uk-ka no malolen-na. Hu ndia de, Saul so'un da'di malanga solda'du matuaina, nai solda'dun-nala dalek, ma basa solda'du anak-kala loo basa Saul malalau-maoonon-nala, ala hii Dauk.