MAZMUR 119:92 - Susula Malalaok Hehelu Palak Ma Hehelu Beuk

⁹² Leouni'ka, O hoholo-lalanem ta da'di leo au oemata namahokong fa soona, tao leo bee-o, mate basa au nai au doi-dosong dale so.

MAZMUR 119:92 ပူးပေါင်းရင်းမြစ်များ

MAZMUR 119:143

Makase'ek ma susa, tuni-ndeni nala au, tehu O nakeketum-ma, tao namahoko au daleng-nga.

MAZMUR 119:16

O nakeketum-ma, tao namahoko au; neukose au ta afandele heni O nanolim-ma fa.

MAZMUR 119:24

O nakanenetem-mala, da'di au manamanoli-mafa'dang, fo nandaa no au daleng-nga.

MAZMUR 119:50

Dede'ak-ka nde ia, nde ana kokoe-nanasi au nai au doi-dosong-nga dalek, nae O hehelum ndia, ana fe au aso'da.

MAZMUR 119:77

Sue-lai au, fo au aso'da ahele, nanahu O hoholo-lalanem, nandaa no au daleng-nga.

MAZMUR 27:13

Au amahele, neukose au la'ola'di Manetualain dale malolen-na, nai au maso'dang-nga dalek, nai daebafak ia.

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.