MAZMUR 119:45 - Susula Malalaok Hehelu Palak Ma Hehelu Beuk

⁴⁵ Soona neukose, au aso'da no ao loak, nanahu au sanga enok, fo tunga O nanolim-ma.

MAZMUR 119:45 ပူးပေါင်းရင်းမြစ်များ

MAZMUR 119:133

Matetea-mahehele au ei nggangganing-nga, nandaa no O hehelum-ma, boso po'ilotak mangalauk-ka, koasa au.

MAZMUR 119:148

Au ta sungu le'odae katemak esa dalen-na fa, nana au dodoo-tatai O nanolim-ma.

MAZMUR 119:162

O hehelum-ma, ana tao namahoko au, sama leo, hataholi esa hapu hata-heto.

MAZMUR 119:19

Ka'da hatematak esa mesak-kana, au leo nai daebafak ia, boso mafuni O hoholo-lalanem, neme au mai

MAZMUR 119:32

No namahokok, neukose au tunga O paletam-ma, nana O tao-ma au, boetai alelak.

MAZMUR 119:71

Memak, malole lenak O huku au, fo ela au alelak O nakeketum-mala.

MAZMUR 119:94

Soi-tefa-mala au, nana au ia, O nuum, de au sanga basa enok, soaneu tunga O nakeketum-ma so.

AMSAL 18:1

Hataholi fo, ana ta nau nakabubua no hataholi fe'ek fa, sosoa-ndandaan nae, hataholi ndia taoafik neu ka'da aoinan-na mesak-kana; ana se'i hataholi fe'ek hahapun-na.

AMSAL 4:12

Metema o maso'da leondiak, soona neukose ta hapu manamapangge-ngge, nai lelek o la'ok, ma neukose o ta makatunu, nai lelek o malaik.

PENGKHOTBAH 1:13

Au daleng-nga kisak soaneu palisak matalolole ma anoli no dudu'a-aafi manatee-tenok neu basa hata lala'en fo ana da'di nai daebafak ia. Ua-nalek fo Manetualain sadian ba'eneu ita, te'e-te'e neni dale he'dik.

LUKAS 4:18

“Lamatua ka Dula Dale na nai Au dalek, nana Ana so'u basa Au, soaneu tui-benga Hala Malole neu hataholi nuu ta-hata ta ka. Nadenu Au soaneu po'a-benga soi-po'i ka neu hataholi nanahuku kala ma nakahahai ka ba'eneu hataholi poke kala; soaneu soi-po'i hataholi nanatuni-ndeni kala

YOHANIS 5:39

Emi maedaenga emi manoli Susula Malalao ka, fo no enok ndia emi hapu maso'da matetu ka, ma manaketu basa tak ndia. Boema Susula Malalaok ndia nde fe sakasii la'eneu Au.

EFESUS 5:17

Boso mamanggoa, fo palisak matalolole hata fo Lamatua ka nahii kana.

YAKOBIS 1:25

Manetualain hoholo-lalanen matetu-mandaak, ma nanuu be'i balakaik fo ana soi-po'i hataholi daebafa ka. Hu ndia de, hataholi fo ana palisak matalolole ma ana taoafik matalole boema ana tao tunga hoholo-lalanek sila la, ma ta ka'da namanene fo nafandele heni fas soona, Manetualain fe hataholi ndia baba'e-papalak nai basa tatao-nono'i na dalek.

YAKOBIS 2:12

Kokolak ma tao-no'i sama leo hataholi fo, neukose nananaketu-nala'dik tunga Manetualain hoholo-lalanen fo mana soi-po'i hataholi daebafa ka.

2 PETRUS 2:19

Mese masapepekok sila la helus lae, ala soi po'i hataholi sila la, te se'ko na sila bei da'di ata neu ha'da-tataok fo mana tao nalutu hataholi a. Nana metema hataholi esa, ana sengi hataholi fe'ek soona, hataholi ndia da'di ata neu hataholi mana sengin ndia.