Tehu, hu kande Ama Manek nakamumulu-nakamamaek basa Manetualain nenik tatao-nono'ik ndia, de neukose mate Ama Manek anatouanan fo besak-ka bongin ndia.”
Hataholi ndia, na'de na ta nanggenggeo nai lau na dalek fa; nana metema ta leondiak fa soona, neukose hataholi la lakamumulu-lakamamae kana, fo ana tu'da leo Nitu a, hihi'in dale neu.
Hu ndia de, au nau inafalu muli solu kala sao seluk fo ala hapu anak, ala ito-ato uma loon, fo ela ita musu noo na, boso hapu loak, tao langgenggeo ita na'de na.
Metema o kokolak soona, kokolak pake dede'a-kokolak manatee tenok, fo hataholi boso nakamuu-nakadau o hala-kokolam, fo daenga o musu noo mala ala mae, nana ta hapu o dede'a-kokola mangalaum esa boen fo, ala paken soaneu ala laban ita.
Nakeketu na tunga ka'da ndo na, ma manatee tenok. Naketu basa huhukuk soaneu manasosoa-piao matuaina, fo manatao nalutu daebafa ka ninik sosoa-piaon. Manetualain huku basa manasosoa-piaok ndia, nana ana taonisa Manetualain ata nala.”