MAZMUR 119:32 - Susula Malalaok Hehelu Palak Ma Hehelu Beuk

³² No namahokok, neukose au tunga O paletam-ma, nana O tao-ma au, boetai alelak.

MAZMUR 119:32 ပူးပေါင်းရင်းမြစ်များ

KEJADIAN 26:22

Basa boema ana lali neme ndia mai, de ana kali oedolu ka telu-a. Oek ia, nale'ak ta. Hu ndia de, Isak foi oedolu ndia na'de “Ao loak.” Nafa'da nae, “Besak ia, Manetualain fe basa ita ao loak soaneu leo nai nusak ia so, de neukose ita taua-tanale nai ia.”

1RAJA-RAJA 4:29

Manetualain fe Salomo manatee-tenok, ma malela matuaina boema dudu'a-aafi mademainan-nanseli.

MAZMUR 119:45

Soona neukose, au aso'da no ao loak, nanahu au sanga enok, fo tunga O nanolim-ma.

MAZMUR 18:36

Manetualain, O masulu-mahapa ma soi-tefa au, ma tia-to'ba au nenik O koasam-ma; au sengi, nanahu O tataom-ma.

KIDUNG AGUNG 1:4

Ata la'o lai-lai, ou au maneng-ngonei, moo au leo o kamam dale neu. Hu ka nde o de ami basa-basam-mala mamahoko, ma koa-kio o susue tou-ta'em lena heni angol-la; hu ndia de anafe'oanak-kala susue tou-ta'en soaneu o!

YESAYA 40:31

Tehu hataholi fo, namahena neu Manetualain-na, neukose ana hapu be'i-balakai beuk. Sila sama leo manupui kaka'ka fo ana laa dema-na seli, nenik li'da mabe'i-balakain-na. Ala lalaik, te ala ta sota-mangu fa, ala la'o, te ala ta sota-mangu fa.

YESAYA 60:5

O mete-mita ndia boema, o dodoo doak-kana ma o mata-panam napena; o nggenge ma o dalem-ma namatua. Leoina-kala, leni hata-heton leo o mai, o hapu su'i-betes manasasi kao-kaok-ka, neme tasi selik mai.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YOHANIS 8:32

boema neukose emi malelak Manetualain fo ndo sa, soona neukose Ana soi-tefa na emi.”

YOHANIS 8:36

Hu ndia de, metema ana ka soi po'i emi soona, ana soi po'i emi te'e-te'e.

2 KORINTUS 3:17

Naa, Manetualain nde bee na Dula Dalek. Ma nai bee Manetualain Dula Dale na nai ndia soona, nai ndia boeo hapu ao loa ka.

2 KORINTUS 6:11

Tolano-tolanoo susuek fo manai Korintu sala lemin! Ami kokolak no mangale'dok basa neu emi so. Basa ami dale ma oe-isin lala'ena, ami mafa'da basan neu emi so.

IBRANI 12:1

Naa, la'eneu ita mesa tala soona, nai ita boboa-kaisun hapu sakasii makadotok nanseli! Hu ndia de, mai fo ata tu'u-tapaheni basa hata fo ana tao nambela ita, ma basa sala-singok fo lakadita lahele ita. Ma mai fo no te'e-te'ek teu tunga nakasusu'di ka nde ita mata na.

1 PETRUS 2:16

Ela leo bee na emi maso'da sama leo hataholi ao loa ka, tehu boso pake emi ao loam ndia, fo emi mafuni emi tatao-nono'i mangalau mala, te emi muse maso'da sama leo Manetualai nata nala.