MAZMUR 119:176 - Susula Malalaok Hehelu Palak Ma Hehelu Beuk

¹⁷⁶ Au atofa-asalak leo bi'i lopo manamopokka, de mai fo sanga-ma O atam ia, Hukande au ta la'o ela O paleta ma fa.

MAZMUR 119:176 ပူးပေါင်းရင်းမြစ်များ

MAZMUR 119:16

O nakeketum-ma, tao namahoko au; neukose au ta afandele heni O nanolim-ma fa.

MAZMUR 119:61

Hataholi mangalauk-ka, ana lona hihi'ik ba'eneu au, tehu au ta afandele heni, O hoholo-lalanem fa.

MAZMUR 119:93

Losa dodoon-na, neukose au ta afandele heni O paletam-ma fa, nana no enok ndia, de O tao naso'da au.

KIDUNG AGUNG 1:4

Ata la'o lai-lai, ou au maneng-ngonei, moo au leo o kamam dale neu. Hu ka nde o de ami basa-basam-mala mamahoko, ma koa-kio o susue tou-ta'em lena heni angol-la; hu ndia de anafe'oanak-kala susue tou-ta'en soaneu o!

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

YEREMIA 31:18

Au amanene hataholi Israel-la lafa'da lae, henuk no dale he'dik-ka, ‘Ou Manetualain, ami sama leo bana-manu-a fo beita nakalilik na fan, tehu O manoli ami de ami mateme so, de besak ia ami mahele aon soaneu fali ma'im-ma lo O-a neu. Da'di mo falik ami ma'im-ma lo O-a neu, Ou Manetualain, fo ami Manetualaim-ma.

YEREMIA 50:6

Au anang-ngala sama leo bi'ilopo manapo'ilotak, fo ala latofa-lasalak nai lete pe'dak-kala hu ka nde manafoo tak, ala laputak leme letek esa leo letek fe'ek leu, ma ala tabubuluk sila uman-na nai be.

YESKIAL 34:16

Neukose Au sanga manamopok-kala, neukose Au foo falik manasalak-kala, neukose Au poti-palu manamakahinak-kala, neukose Au puli-amo'do kamahe'dis-sala; tehu neukose Au tao amate-amopo maao-la, ma mabe'i-balakaik-kala, nana Au manafoo fo, tao hata fo malole.

YESKIAL 34:6

Hu ndia de, Au bi'ilopong-ngala laleu-lalaak lai pupukuk-kala ma letek-kala poin-na. Ala tapasasala leo basa daebafak-ka lala'en-na leu, te ta hapu hataholi esa boen, fo ana nau taoafik do ana sanga fas.

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

MATEOS 10:6

Te meu leo ka'da hataholi Israe la meu, lena-lenak hataholi mana mopo nala.

MATEOS 15:24

Boema Yesus nataa nae, “Au nananadenuk ka'da soaneu leoina Israe la, lena-lenak soaneu mana sala eno kala.”

LUKAS 19:10

Ana Hataholi ka Ana mai soaneu sanga ma soi-tefa hataholi manala'ok sala eno ka.”

YOHANIS 10:16

Boema Au bei anuu bi'ilopo fe'ek boe, tehu bi'i sila ta lakabubua lo bi'ilopo bubuak ia fa. Au muse u foo falik bi'i sila la boe, fo daenga lalelak Au hala nga. Neukose basa bi'i sila la, ala da'di ka'da bubuak esa, boema manafoo ka'da esa boe.

GALATIA 4:9

Tehu besak ia, emi malelak Manetualain so, do la'e selu kana bai soona, Manetualain nalelak emi so. Naa, tao le'e de emi nau fali seluk leo dula dale daebafak ia la, fo tapandoes ma nuu taa-hata tak sila meu? Tao le'e de emi nau da'di ata seluk neu dula dalek sila la bai?

FILIPI 2:13

nana Manetualain nde tao-no'i dede'ak sila la, nai emi ao inam dale, soaneu emi nau ma emi tao mabe'i Manetualain hihii nanaun.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

1 PETRUS 2:25

Makahulu na, emi sama leo bi'ilopo mana mopo ka, tehu besak ia, Ana sanga emi de, no falik emi leo Manafoo ma Mana Makaboboi emi samane ma neu so.