MAZMUR 119:120 - Susula Malalaok Hehelu Palak Ma Hehelu Beuk

¹²⁰ Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

MAZMUR 119:120 ပူးပေါင်းရင်းမြစ်များ

2RAJA-RAJA 22:11

Manek-ka namanene susulak sila isi-liin boema, ana sii-sii lulu'i bua papaken-na, nanahu dalen-na he'dis-sa.

1 TAWARIKH 24:30

Musi anatoun telu, fo nde: Mahli, Eder ma Yerimot. Teidalek-teidalek manai leo Lewi dalek ka, nde sila-la.

2TAWARIKH 34:21

“Meu leona, fo matane neu Manetualain soaneu au ma soaneu hataholi-hataholi fo bei manai Israel ma Yehuda la'eneu susulak ia-la isi-liin. Manetualain namanasa ita nanahu ita bei-ba'i kain-nala ta lakalala'ok paleta fo nanasulak nai susulak ia-la dalek fa.”

2TAWARIKH 34:27

o tukatei-saledale, ma o makaloe-makadae aoinam-ma nai Au matang. Au fe basa nasanene'dak mahelek soaneu huku Yerusalem no laun-nala, tehu nai lelek o mamanene la'eneu Au hala nasanene'da maheleng ndia boema, o kii ma o sii sii-lulu'i o bua-lo'a papakem-ma da'di leo ta'du-tana dale he'dik. Au amanene o huhule-haladoim so,

AYUB 23:15

Au dele ngge'be-ngge'be, nanahu au bii-amata'u neun; au boetai dudu'a-dodoo basa sila-la, au boetai, bii-amata'u.

AYUB 31:23

Neukose, au ta tao leondiak fa, nana Manetualain huhukun-na, taon-na au bii-amata'u anseli.

MAZMUR 119:53

Au amanasa hataholi mangalauk-ka nanseli, nanahu ala la'o ela O hoholo-lalanem.

MAZMUR 88:16

Au doi-doso, ma mamates-sa maku au, neme au anang mai au sota-mangu no lu'a-lepa O huhukum-ma.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

FILIPI 2:12

Hu ndia, tolano susue-lalai ngala lemin, sama na leo emi tunga mahele au, nai lelek fo au be'i o emi a, lena-lenak besak ia, nai lelek ita komododoon, ela leo bee na emi tunga mahele au. Manetualain soi-tefa nala emi so, hu ndia de sanga enok makandoo fo ela emi so'da ma, natetu-nandaa. Tao-no'i basa dede'ak sila la no ha'da-holomata, ma tunga neu Manetualain,

IBRANI 12:21

Hata fo hataholi Israe lala litak ndia mangalau nanseli, losa Musa nae, “Au bii-amata'u ma au dele ngge'be-ngge'be!”

SEMUEL SUSULAK-KA ESAN-NA 6:20

Boema Bet-Semes laun-nala lafa'da lae, “See kande bisa nakatatakak nai Amak, Manetualain Fo Malalao-malalafuk ndia matan? Ita muse teni peti ndia leo bee neu, fo ela dook-ka neme ita mai?”