MAZMUR 118:27 - Susula Malalaok Hehelu Palak Ma Hehelu Beuk

²⁷ Amak-ka nde bee-na, Manetualain, dalen-na malole neu ita. Tutulumatak, fo la'ok nongo-nongo, ma ho'u ai ndanak nai emi limam-ma, fo okofeo-ma, Manetualain mei tutunu-hohotun-na.

MAZMUR 118:27 ပူးပေါင်းရင်းမြစ်များ

1RAJA-RAJA 18:21

Boema Elia neu deka no laun sila-la de nafa'das nae, “Emi dalem-ma naba'e nahele losa faihi'da? Metema Amak ndia Manetualain soona, sene-do'ok Manetualain leona! Metema Baal-la ndia Manetualain soona, sene-do'ok Baal-la leona!” Laun mana lakabubua lai ndia, ka'da bedenge.

1RAJA-RAJA 18:39

Nai lelek laun-na lita manada'dik ndia boema, ala lakatele leo dae a neu ma lafa'da lae, “Amak ndia Manetualain! Tete'e ka Amak ndia Manetualain!”

1 TAWARIKH 29:21

Balahaa boema, ala do'do bana-manu soaneu ala fen neu Manetualain da'di leo tutunu-hohotuk, boema ala baba'en neu basa laun-na lala'en-na. Fe'ek neme ndia mai, ala do'do sapi mane lifun esa, bi'ilopo mane lifun esa ma bi'ilopo ana lifun esa de ala tunu katemak-kasa nai mei tunu-hotuk lain. Ala boeo muse fe angol soaneu tutunu-hohotuk ndia.

ESTER 8:16

Hataholi Yahudi-la, dalen-nala loa-loak mesan, ma lamahoko, laua-lanale ma lamahoko.

MAZMUR 18:28

O soi-tefa-mala hataholi fo dale taidaek-ka, tehu ne'e makatele, hataholi fo manamakaloe-makadaeaok-ka.

MAZMUR 37:6

Neukose, Ana nafa'da o lilinekam sama leo mangale'dok-ka, ma o dale ndoom-ma, sama leo fai lele'don-na.

KELUARAN 27:2

Nai mei tunu-hotuk ndia bu'un-nala lain, bu'un esa soona tao masusulak, sama leo bana susulan-na, fo ala da'di esa loo mei tunu-hotuk-ka. Muse makadiditak liti neu susulak fo sama leo bana susulak sila-la basa-basan lala'en-na.

KELUARAN 38:2

Nai basa bu'uk manai lain-na, ana tao masusulak sama leo bana susulan-na fo da'di esa no mei tunu-hotuk ndia. Basa-basan lala'en-na, nananakadiditak nenik liti.

YESAYA 60:1

Hai Yerusalem, fo'a fo da'di mangale'dok leona, nana o maso'da mangale'dom-ma, ana mai so; Manetualain nangale'do-na o, nenik mandela-masa'an.

YESAYA 9:2

Manetualain, O fes namahoko matuaina, O taom-malas eeki-latadale. Lamahoko-setelee nanahu O dale malolem-ma, sama leo hataholi fo namahoko-setelee nai lelek fai ketu-kolun-na, do nai lelek ala baba'e bua kakalok-kala.

MIKHA 7:9

Ita tasala-tasingo basa neu Manetualain so, hu ndia de besak ia, ita muse tame'da tita nasa-melun. Tehu ta dook-ka so'on, te neukose nasala'e ita, ma Ana fe ndoos ma matetuk-ka neu ita. Neukose no ita kalua leo mangale'dok-ka teu; neukose ita tame'dan tae, Ana soi-tefa-na ita.

MALEAKHI 4:2

Tehu ba'eneu emi fo manatunga Au-a, Au koasang fo manasoi-tefak-ka, neukose ana tii mai, sama leo le'do-a, de haan-na neni nakahahaik. Neukose emi matapo'i ma mamahoko, sama leo sapiana fo besak-ka ana kalua neme lalae dale mai.

YOHANIS 8:12

Yesus kokolak seluk no hataholi makadotok sila la nae, “Au nde mangale'do daebafa ka. Metema see tunga Au soona, neukose ana ta la'ok nai makahatu ka dalek fa, tehu ana hapu mangale'do manafe maso'da ka.”

IBRANI 13:15

Hu ndia de, no Yesus hehela-nonolen, de ela leo bee na ita koa-kio Manetualain tataas esa; fo ndia nalupa ita tutunu-hohotu kokoa-kikion esa neun, fo ita tunu-hotun tunga difadoo ka soaneu tamatutua-tamadedema na'de na.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.