MAZMUR 116:5 - Susula Malalaok Hehelu Palak Ma Hehelu Beuk

⁵ Manetualain ndia, manasue-manalai, ma ndoos ma matetuk; ita Manetualain, henuk no dale kasian.

MAZMUR 116:5 ပူးပေါင်းရင်းမြစ်များ

EZRA 9:15

Amak, fo Israel Manetualain-na. O ndoos ma matetuk, tehu, leomae leondiak boe, O po'ilotak ami maso'da. Ami manaku ami salam-ma neu O; ami ta manuu hak, soaneu mai leo O matam-ma mai fa.”

NEHEMIA 9:17

Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

NEHEMIA 9:31

Tehu, hu kande O susue-lalai matuainam-ma, de O ta la'o ela do tao makalulutuk-kasa fa. Memak, O nde Manetualain fo nakasasaman ta; O susue-lalaim ba'un-na seli, henuk no dale kasian!

NEHEMIA 9:33

O nakeketum-ma ndoos ma matetuk, O huku ami fo masala-masingok; O lilineka mahele, leomae ami henuk no bu'u-ba'ek.

NEHEMIA 9:8

O bubuluk ana lilineka neu O, ma ana tunga paleta. Boema O tao hehelu-balataa matea-mahelek mon. Dae Kana'an, Het ma Amori, dae Feris, Yebus ma Girgasi, O sanga fen basa sila-la; da'dileo tititi-nonosin lala'en-na, mamana leleon-na. Basa boema, O tao matetu hehelu-balataak ndia ba'eneun, nana O ndoos ma matetuk, ma lilineka.

MAZMUR 103:8

Nana Manetualain manasue-laik, Ana ta haelai namanasa, ma susue-lalain sasi kao-kao.

MAZMUR 112:4

Mangale'dok-ka, nasalaa nai makahatuk dale, ba'eneu hataholi manatao tunga ndoon-na, ba'eneu hataholi fo ndoos ma matetuk, manasue ma manalai.

MAZMUR 115:1

Ami ta, ou Manetualain, ami ta, tehu ka'da O nde, muse nanakoa-nanakiok, nana O lilineka, ma sue-lai mahele.

MAZMUR 119:137

Ou Manetualain, O ndoos ma matetuk, basa O hoholo-lalanem-mala la'en.

MAZMUR 145:17

Manetualain ndoos ma matetuk nai tatao-nono'in-na dalek, ma henuk no susue-lalaik nai tatao-nono'in lala'ena dalek.

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

DANIAL 9:14

O, ou Manetualain, fo ami Manetualaim, O huku basa ami nenik sua-soe fo O sadia basan so; O nakeketum-ma la'en tataas esa, ndoos ma matetuk, tehu ami ta nau mamanene O halam-ma fa.

DANIAL 9:7

Ou Manetualain, O nakeketum-ma la'en tataas esa, ndoos ma matetuk tehu ami makamamaek ami aoinam-ma do'e-do'e fo nde: ami basa-basam fo manaleo nai Yudea ma Yerusalem, ma basa hataholi fo leoina esa lo ami, fo O fes tapasasala leo nusa dook-kala ma manadekak-kala, hu kande, ala ta lilineka neu O fa.

DANIAL 9:9

O henuk no do'o do ampon ma susue-lalaik, leomae ami la'ban basa O so.

EFESUS 2:4

Tehu Manetualain dale malole na, ba'u na seli! Ana sue na ita ba'u na seli,

1 TIMOTIUS 1:14

Ma nakalenak bai, ita Lamatua na, Ana fe la'iesak susue-lalain neu au. Ana fe au be'i balakaik, fo au amahelen, ma au sue-lai au nonoo hataholi ngala. Ana fe, be'i balakaik ndia neu basa ita fo manda'di esa to Kristus Yesus a.

1 YOHANIS 1:9

Tehu metema ita manaku ita sala-singon neu Manetualain soona, neukose Ana tao natetu hala hehelu na, ma naketu-nala'di tunga matetu na. Neukose Ana fe do'o do ampon neu ita sala-singon, ma Ana safe balisi ita tatao-nono'i masala-masingo nala.