MAZMUR 115:2 - Susula Malalaok Hehelu Palak Ma Hehelu Beuk

² Tao le'e de, leoina-la muse lafa'da lae, “Sila Manetualain-na, nai bee?”

MAZMUR 115:2 ပူးပေါင်းရင်းမြစ်များ

MAZMUR 42:10

Au afa'da Manetualain fo au manamasala'eng-nga ae, “Tao le'e de, O mafandele heni au? Tao le'e de, au muse doi-doso akandoo, hu kande au musung-ngala tuni-ndenin do?”

MAZMUR 42:11

Au daleng-nga nakalulutuk, nanahu musu-a hakinonolin-na. Ala latane lakandoo lae, “O Manetualaim-ma, nai bee?”

MAZMUR 42:3

Au ahiik Manetualain fo maso'dak, faihi'da au bole u sene-do'ok nai Uman-na?

MAZMUR 42:4

Lele'do-le'odaen au kii, luu oe-a da'di au nana'a-nininung. Fai katemak esa dalen-na, au musung-nga natane, “O Manetualaim-ma nai bee?”

MAZMUR 79:10

Boso po'ilotak leoina fe'ek-kala bekola la'eneu ami lae, “Sila Manetualain-na, nai bee?” Nemen-na fo, ami mita O balas leoina fo, manataolisa O atam-mala.

KELUARAN 32:12

Metema O tao mamate-mamopos soona, neukose hataholi Masir-rala lafa'da lae O mauli-malanga leoina ndia kalua leme Masir mai, soaneu taomisas lai letelepak-kala ma tao mamate-mamopo makandondook-kasa. Boso tao leondiak, ou Manetualain, dodoo masafali o dalem-ma, fo boso tao soe leoina ndia.

YOEL 2:17

Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”