MAZMUR 110:2 - Susula Malalaok Hehelu Palak Ma Hehelu Beuk

² Neme Sion mai, neukose Manetualain tao namaloa o nusam-ma; koasa o musum-mala leona!

MAZMUR 110:2 ပူးပေါင်းရင်းမြစ်များ

MAZMUR 72:8

Neukose nusan-na, namaloa neme tasi leo tasi neu, natabaa neme dulu losa muli.

KELUARAN 7:19

Manetualain, nafa'da Musa nae, “Madenu Harun, fo ana ho'i-na aitete'e-na, fo leleuk-kana leo basa lee-la, oelolok-kala ma lifu-lifu manai Masir-ra. Neukose oen-nala da'di daak, ma neukose hapu daak nai nusak-ka lala'en-na, nakalenak nai tong ai-la dalek, ma nggusi batu-la dalek.”

KELUARAN 8:5

Manetualain nafa'da Musa nae, “Madenu Harun, fo nakandoondoo aitete'en-na neu lee-la, oelolok-kala, ma lifu-la lain, fo ela lo'donggelek-kala poka mai, fo dae Masir-ra henuk no lo'donggelek-ka.”

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

YEREMIA 48:17

Hai emi fo Moab nusa-nusan titia-tatainala lemin, fo manabubuluk la'eneundia hahapu-dadainala, falu soaneu leona! Mafa'das leo: ‘Matua-mademan ma be'i-balakain mopokasa so!’

YESKIAL 19:14

Ha'i-a, ana pila nasalolo'de mai, de na'aheni, angol ndia ndanan-nala, ha'i-a, na'aheni ndanan-nala ma boan-nala. Besak ia, ndanan-nala, ta matea-la so'on; ta bisa taon da'di, aitete'e manek so'on Nakamee kikii-makaleleuk ndia nde, hataholi-la lakamee fali-fali loon.

YESKIAL 47:1

Touk ndia, no falik au leo lelesu masok leo, Manetualain Uman neu. Au ita oe-a, ana faa neme lelesu ndia dae mai, de ana faa leo dulu neu, sama leo Manetualain Uman-na boeo, nasale leo dulu neu boe. Oe ndia, ana faa neme Manetualain Uman-na, lelesu doon manai boboan kona mai, de ana tunga mei tunu-hotuk-ka, su'udoon kona.

MIKHA 4:2

Neukose basa-basas lafa'da lae, “Mai fo ata kae leo Manetualain pupukun lain teu leo Israel Manetualain Uman-na teu! Neukose nanoli ita hata fo ita muse taon. Neukose ita tunga eno-dalan nana Manetualain nanolin-na neme Yerusalem mai; ana kokolak no anan-nala neme Sion mai.”

MIKHA 7:14

Ou Manetualain, foo-lolo O anam, fo O hataholi hehelem-mala. Ala leo pasi fe'e lai lasi manggiok dale, nai dae maoe-maisik tala'da. Nemen-na fo ala hapu nana'a-nininuk nai mook Basan ma Gilead, sama leo nai tepo-lelek makahulun-na.

ROMA 1:16

Au amahele Hala Malole ndia nana Hala Malole ndia nde bee na, Manetualain be'i-balakain nde ndia, soaneu Ana fe so'dak neu basa hataholi kamahehele kala lala'ena; makasososa na hataholi Yahudi a, boema leoina fe'e kala boe.

1 TESALONIKA 2:13

Hapu seluk dede'ak fe'ek esa, nde tao na ami moke makasi tataas esa neu Manetualai na. Dede'ak ndia nde ia nae, nai lelek fo ami manduku-malosak halak ndia, ta da'dileo halak neme hataholi daebafa ka mai fa te, da'dileo halak fo te'e-te'e ana mai neme Manetualain mai. Ndia nde mana tao-no'i nai emi fo mana mamahele Kristu sa, ao inan dale.

1 PETRUS 1:12

Manetualain nafa'da nabi sila la nae, hata fo sila tao-no'in ndia, ta soaneu sila paluu na fa, tehu soaneu emi paluu ma; fo nde basa dede'ak fo besak ia emi mamanenen no mangale'dok neme manatui-benga Hala Malole la'eneu Yesus Kristu sa. Hataholi sila, ala tui-benga dede'ak sila la neu emi, ninik Manetualain Dula Dale na koasa na, fo Ana haituan neme nusa so'da ka mai. Lena-lenak ata nusa so'da kala boeo, ala lahiik bubuluk halak fo hataholi sila la tui-bengak ndia.