MAZMUR 11:5 - Susula Malalaok Hehelu Palak Ma Hehelu Beuk

⁵ Manetualain fola hataholi ndoos-sa, ma hataholi mangalauk-ka Ana ta hii hataholi fo, ana nau ka'da laka-nakasetik-ka.

MAZMUR 11:5 ပူးပေါင်းရင်းမြစ်များ

KEJADIAN 22:1

Basa teuk de'ubee boema, Manetualain fola Abraham namahehelen-na. Manetualain naloo nae, “Abraham!” Boema Abraham nataa nae, “Ou Manetualain.”

MAZMUR 10:3

Hataholi mangalauk-ka kokolak bafa louk, la'eneu hihii-nanau mangalaun-na, hataholi manatene petak-ka, soo-supa ma tipa Manetualain.

MAZMUR 139:1

Soaneu mauli-malanga nakameek-ka. Dauk Kokoa-kikiok. Ou Manetualain, O bubuluk besa-besa moo au, ma O malelak au.

MAZMUR 17:3

Meteme O fola au daleng-nga ma O mai palisak besa-besa mo au nai fai le'odaen-na soona, neukose O hapum-ma, au daleng-nga ndoos ma matetuk; au hala-kokolang sama leo au dudu'a-aafing.

MAZMUR 21:8

Manek-ka namahena neu Manetualain Fo Mademaina, so'dan-na nee-nee lino-lino, tataas esa nana Manetualain sue-lai nahelen.

MAZMUR 26:2

Palisak matalolole au, ou Manetualain, ma fola au leona, palisak au hihii-nanaung ma au dudu'a-aafing leona.

MAZMUR 5:6

O ta makatatakak mete hataholi manakoao-ndaeaok-ka fa, O ta mahiik hataholi manatao tatao-nono'i mangalauk-ka fa.

MAZMUR 7:9

O maketu-mala'di hataholi daebafak-ka; fe au ndoos ma matetuk, ou Manetualain, nana au salang ta.

YEREMIA 12:8

Au anang-ngala la'ban Au; sama leo singa nai bafak dale, leondiak boe, sila langao lasale Au.

YEREMIA 20:12

Tehu, ou Manetualain Fo Manakoasa, O fola hataholi daebafak-ka no ndoos matetuk; O bubuluk sila dalen-na ma dudu'a-aafin-nala. Hu ndia de sa'di leo been-na au ita o balas musu fo tatao-nono'i mangalaun-na nana au fe basa au dede'ang-nga lo O neu so.

ZAKHARIA 11:8

Manafoo 3, de 3-s ta hii au fa, ala tao-la au hihii amanasa. Au usi henis, nai bulak esa dalen-na.

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

MALEAKHI 3:3

Ana mai fo naketu-nala'di, sama leo hataholi manatao balisi, ma manapoli lilofulak-ka. Sama leo tuka liti esa, ana tao namaneu lilopilas ma lilofulak-ka, leondiak boe, Manetualain hataholi nadedenun-na, neukose ana tao namaneu basa imam-mala, fo ela ala tunu-hotu tutunu-hohotuk nenik enok fo Manetualain nahiik-kana.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

1 PETRUS 1:7

Dede'ak ia tetee-tutu'dan nde, fo ela ana da'di buti esa nae, ade te'e-te'e, emi mamahele Lamatua ka do ta. Lilopila sa hapu nalutun boeo, bei nanaso'bak ninik ha'i. Na, emi namahehele ma nde bee na, beli na lenaheni lilo pilasa, da'di muse so'ban boe, fo ela natea-nahele. Fo no enok ndia, neukose emi nanakoa-nanakiok, ma nanafe ha'da-holomata, boema nana namatutua-namadedemak nai faik fo Yesus Kristus fafali ma'i na.

1 PETRUS 4:12

Tolanoo susue-lalai ngala lemin! Besak ia emi doidoso manseli, nanahu emi bei nanaso'ba-su'dik. Tehu emi boso dodoo mae, nono ka bai de, hata matua ina esa, ana da'di neu emi.