MAZMUR 11:1 - Susula Malalaok Hehelu Palak Ma Hehelu Beuk

¹ Soaneu mauli-malanga nakameek. Dauk kokoa-kikiok. Au asulu-ahapa neu Manetualain; sosoa-ndandaan ta, fo emi mafa'da au mae, “Soi-tefa-ma, o aoinam-ma, sama leo manupui-a laa leo letek lain neu.

MAZMUR 11:1 ပူးပေါင်းရင်းမြစ်များ

2TAWARIKH 14:11

Boema Asa hule-haladoi neu Manetualain nae, “Amak, ka'da O nde hapu tulu-fali manatapandoes-sala neme mabe'i-balakaik-kala mai. Tulu-fali ami besak ia, ou ami Manetualain! Ami masalai ka'da neu O ma no O na'dem-ma, ami kalua matee-matati la'ban solda'du de'u-de'u basa ia-la. Amak, O nde ami Manetualaim-ma. Boso po'ilotak hataholi daebafak esa boen sengi O.”

2TAWARIKH 16:8

Ade Sudan ma Libia ta lanuu solda'du makadotok ma kaleta musu ma solda'du manasa'e ndala makadotok fa do? Leomae leondiak boe, Manetualain fe o sengis, nanahu o masalai o deam-ma neun.

NEHEMIA 6:11

Tehu au ataa ae, “Au ia, ta hataholi fo ana nau nalai fa. Au hataholi biasa, de au ta bole masok leo Manetualain Uman dale u fa, te neukose mate au. Ta, au ta nau fa!”

MAZMUR 16:1

Dauk kokoa-kikiok. Ou Manetualain, manea au leona, nana au asulu-ahapa neu O.

MAZMUR 25:2

ou au Manetualaing, au amahele neu O! Boso po'ilotak au nananakamumulu-nakamamaek, ma au musung-ngala eeki-latadale au.

MAZMUR 31:14

Nai mamanak lala'ena, hapu bibii-namata'u matuaina; au amanene dede'a anin, la'eneu au musung-nga. Ala lalahalak, soaneu la'ban au, ma ala sanga enok fo taolisa au.

MAZMUR 56:11

Au koa-kio Manetualain fo Manetualain Manakoasa, nanahu hata fo, Ana helun.

MAZMUR 7:1

Dauk kikii-makaleleun nananakameek ba'eneu Manetualain nanahu Kus fo hataholi Benyamin ndia.

MAZMUR 7:2

Ou Manetualain fo au Manetualaing-nga, au asulu-ahapa neu O; soi-tefa, ma soi-po'i au neme basa hataholi manausi au-a mai.

MAZMUR 9:10

Manetualain ndia, mamana nasulu-nahapak, ba'eneu hataholi nanatuni-ndenik-ka, mamana hahaeaok, nai fai toto'a-tataak-ka dalek.

AMSAL 6:5

Se'i po'i o aoinam-ma, neme hihi'ik ndia dalek mai, sama leo manupui, do nusa nalai neme hataholi manausik-ka mai.

YEREMIA 48:14

Touk Moab-pala lapalani lafa'da lae lo be, ‘Ami matee-matatik, soloda'du palani tati batu fo nanaso'ba-su'di basak nai natee-natatik-ka dalek so?’

LUKAS 13:31

Nai lelek ndia boe, hapu hataholi Farisi de'u bee mai leo Yesus mai de lae, “Boso leo meme ia! Muu leo mamana fe'ek mu, nana Herodes nau taonisa O.”

SEMUEL SUSULAK-KA ESAN-NA 19:11

Nai le'odaek ndia boe, Saul nadenu hataholi de'ubee leu leo Dauk uman leu, fo ala maku Dauk, fo fafaik soona, ala taolisan. Tehu Dauk saoinan Mikhal, nafa'dan nae, “Metema le'odaek ia, o ta malai fa soona, tao leo bee-o, balahaa fafaik te, ala taolisa o.”

SEMUEL SUSULAK-KA ESAN-NA 20:38

Lai-lai fa dei, fo boso mapangamak!” Ni'iana ndia helen-na kokouisik ndia, de ana fali ne'un leo tuan-na neu.

SEMUEL SUSULAK-KA ESAN-NA 22:3

Dauk la'o neme leak ndia mai, de neu leo Mizpa, fo nai Moab, boema nafa'da nusa Moab-pa manen-na nae, “Fe atam-ma ina-aman loak, fo ala leo loo Tuan, losa atam-ma bubuluk, Manetualain tao atam-ma le'e.”

SEMUEL SUSULAK-KA ESAN-NA 23:14

Basa ndia boema, Dauk leo nai lea-leak manai letelepak-kala dalek, nai moo solokaek Zif-fa. Saul usi do'e-do'e non, tehu Manetualain ta fe Dauk leo manek ndia neu fa.

SEMUEL SUSULAK-KA ESAN-NA 27:1

Dauk dodoo nai dalen dale nae, “Leomae leo beek boe, nai faik esa te, Saul taonisa au. Da'di, ta hapu eno fe'ek so'on, ba'eneu au, ka'da au alai leo nusa Filistin-na u. No enok ndia, neukose Saul ta sanga seluk au nai Israel fa, de neukose, au boeo nee-nee lino-linok.”