MAZMUR 109:15 - Susula Malalaok Hehelu Palak Ma Hehelu Beuk

¹⁵ Nemen-na fo, Manetualain nafandendelek tataas esa, neu sala-singon-nala, ma ta hapu hataholi nafandeles, nai daebafak-ka fa.

MAZMUR 109:15 ပူးပေါင်းရင်းမြစ်များ

AYUB 18:17

Ta lalelak-kana nai kota dale, do nai kota deak so'on; ta hapu hataholi esa boen, fo bei nafandendelek na'den-na.

MAZMUR 109:13

Nemen-na fo, basa tititi-nonosin lala'ena, nanatao namopo-namatek, ma bobongi makabuik-kala, lafandele heni na'den-na.

MAZMUR 34:16

Manetualain taoafik neu, hataholi manatao ndoos-sa, Ana namanene, metema ala nggasi fo loke tutulu-fafalik.

MAZMUR 34:17

Tehu hataholi manatao tatao-nono'i mangalauk-ka, Ana la'ban-nana; metema mates soona, no lai-laik, lafandele henis.

MAZMUR 51:9

Malalao-malalafu au, soona neukose au balisi; Safe-saa au, soona neukose au fulak lena heni a'bas-sa.

MAZMUR 90:8

O pe'da ami salam-ma, nai O matam, O mita ami sala-singom fo nananafunik-kala.

YESAYA 65:15

Au hataholi heheleng-ngala, neukose ala pake emi na'dem-ma, da'di leo soo-supak lae: ‘Ela leo been-na, Manetualain Fo Mademaina, taonisa emi, sama leo sila!’ Tehu hataholi fo, manatunga neu Au-a, neukose Au fen na'de beuk.

YEREMIA 2:22

Leomae o madiu oe, fo o pake sabu makadotok nanseli, tehu Au bei ita, o salam-ma tataan-nala boe.

HOSEA 7:2

Ala ta hapu dudu'a-lan nai dudu'a-aafin-nala dalek, lae neukose Au afandele-a basa sila tatao-nono'i mangalaun sila-la fa. Tehu sala-singon-nala lakahapi-lalas, nalosa Au itas no mangale'dok.”

AMOS 8:7

Manetualain, fo leoina Israel-la Manetualain-na, soo-supa basa nae, Neukose Au ta afandele heni sila tatao-nono'i mangalaun-na fa.

ULANGAN 32:34

Manetualain nafandendelek anan-nala, musu non-na tatao-nono'in, de neu fain-na te, neukose Ana hukus.