MAZMUR 109:13 - Susula Malalaok Hehelu Palak Ma Hehelu Beuk

¹³ Nemen-na fo, basa tititi-nonosin lala'ena, nanatao namopo-namatek, ma bobongi makabuik-kala, lafandele heni na'den-na.

MAZMUR 109:13 ပူးပေါင်းရင်းမြစ်များ

1RAJA-RAJA 16:11

Zimri da'di manek tutika, ana taonisa la'iesak Baesa teidalen-nala. Lena-lenak Baesa tolano-ka'afa'di tou nala, boema tia-lain teidalen-nala boeo ta hapu esa naladeak boen.

AYUB 18:17

Ta lalelak-kana nai kota dale, do nai kota deak so'on; ta hapu hataholi esa boen, fo bei nafandendelek na'den-na.

AYUB 18:19

Ta maanak, ma ta matititi-nonosik fa; ta ela hataholin esa boen, nai nggolo-ta'dun-na fa.

MAZMUR 21:10

Ana mai sama leo ha'i manapila lo'a-lo'ak-ka, fo ana tao namopo-namates. Neukose Manetualain nasa-melun tao namopo-namates, ma hu kande ha'i mana'a maputuk-ka.

MAZMUR 21:11

Neme sila tititi-nonosin-na mai, ta ela esa boen, neukose manek-ka taonisa la'iesak-kasa.

MAZMUR 37:28

Nana Manetualain sue-lai tatao-nono'ik fo malole, ma ndoos ma matetuk-ka, hataholi fo, ana lilineka neun-na, Ana ta po'ilotak-kana doi-doso fa. Ana nasulu-nahapas losa dodoon-na, tehu hataholi mangalauk-ka tititi-nonosin, neukose nanatao namopo-namatek.

AMSAL 10:7

Mafandele hataholi malole-a soona, ndia nalupa baba'e-papalak, tehu hataholi mangalauk-ka, nana nafandele henik no lai-laik.

YEREMIA 22:30

“Nananaketu basak soaneu hataholi ndia mopo anan-nala ma nai so'dan-na dalek ana ta hapu dai hata esa fa boen. Neme ndia tititi-nonosin mai ta hapu da'dik manapaleta nai Yehuda da'di leo manek fo Dauk tititi-nonosin-na. Au, Manetualain, nde manakokolak-ka.”

BILANGAN 27:4

Tehu tao le'e de, na'den-na muse mopon neme leoina Israel-la mai, ka'da hu kande, ana ta bongi anatouk fa do? Fe ami dae pusaka, sama-sama moo ami amam tolano ka'a-fa'din-nala.”

ULANGAN 25:19

Hu ndia de, metema emi Manetualaim-ma fe nusak ndia neu emi, fo emi leo no nee-nee-lino-linok, nanahu emi musum manai emi titia-tataim-mala, ala ta latee-latati loo emi so'on soona, emi muse taomisa la'iesak hataholi Amalek sila-la, boso ela esa boen, fo ela mopo na'den-nala, nai daebafak-ka ia poin-na. Boso mafandele henin!”

ULANGAN 29:20

Neukose, Manetualain ta fe do'o do ampon, neu hataholi leondiak-ka fa. Nasafalin-na, neukose Manetualainnasa-melun fo, manalua ponu-ponun-na, la'e hataholi ndia, ma basa susa-soe fo, nanasulak nai susulak ia dalek-ka, neukose ana tuni-ndeni-nala, losa Manetualain tao namate-namopon.

ULANGAN 9:14

Boso so'ba-so'ba mapanggengge Au. Te Au sanga tao amopo-amates, nalosa tafandele henis leona. Tehu neukose, Au tao o da'di amak neu leoina esa, ba'u lena ma balakain-nala lena neme sila mai.’

SEMUEL SUSULAK-KA ESAN-NA 3:13

Au afa'da basan ae neukose Au huku teidale-bobongin-na losa dodoon-na, nanahu anan-nala lakamumulu-lakamamaek basa Au so. Eli bubuluk sila sala-singon ndia, tehu ta namanasa fas.