MAZMUR 108:11 - Susula Malalaok Hehelu Palak Ma Hehelu Beuk

¹¹ Neukose, see nde noo au leo Edom neu? See hela-nole au, leo kota fo, makota musuk ndia neu?

MAZMUR 108:11 ပူးပေါင်းရင်းမြစ်များ

2TAWARIKH 13:12

Ami mauli-malangam nde bee na Manetualain mesak-kana ma basa imam manai ia-la. Ala laheheleaon basa soaneu puu trompet-ta, da'di leo ta'du-tana ba'eneu ami soaneu sapu-ma emi. Hai hataholi Israel-la lemin, boso la'ban Amak fo emi bei-ba'i kaim Manetualain-na! Emi ta bisa sengi fa!”

2TAWARIKH 14:11

Boema Asa hule-haladoi neu Manetualain nae, “Amak, ka'da O nde hapu tulu-fali manatapandoes-sala neme mabe'i-balakaik-kala mai. Tulu-fali ami besak ia, ou ami Manetualain! Ami masalai ka'da neu O ma no O na'dem-ma, ami kalua matee-matati la'ban solda'du de'u-de'u basa ia-la. Amak, O nde ami Manetualaim-ma. Boso po'ilotak hataholi daebafak esa boen sengi O.”

2TAWARIKH 20:15

de nafa'da nae, “Ama Manek fo Mandela-masa'ak, boema tolano-tolanoong-ngala lemin. Manetualain nafa'da nae ta bole ketu emi namahehena-ma do bii-mamata'u masasalematak moo solda'du makadotok sila-la. Nana manatee-matati-ka ta nde emi fa, te Manetualain dei.

MAZMUR 44:9

Hu ndia de, neukose ami koa-kio O tataas esa, ma ami moke makasi nakandondoo henin neu O.

BILANGAN 10:9

Ma metema emi matee-mata'ti nai emi nusam-ma, fo emi masala'e emi aoinam-ma neme musu-a mamain-na soona, puu pupuuk sila-la. Soona Au Manetualain, fo emi Manetualaim-ma neukose tulu-fali, ma soi-tefa emi neme emi musum-ma mai.

SEMUEL SUSULAK-KA ESAN-NA 17:26

Boema Dauk nae, “Hataholi Filistin dinitiu ndia, napalani nanseli nahee Manetualain fo maso'dak-ka solda'dun-nala!” Basa boema, natane solda'du esa nae, “Ala fe hataholi fo ana bisa taonisa hataholi Filistin ndia beek, fo lose heni nakamumulu-nakamamaek-ka neme Israel mai?”

SEMUEL SUSULAK-KA ESAN-NA 17:36

Atam-ma taonisa, nau singa do meoasu boe, de hataholi Filistin dinitiu ndia boeo, neukose sama-na leo bana sila-la, nanahu napalani nakamumulu-nakamamaek Manetualain fo maso'dak-ka, solda'dun-nala.