MAZMUR 107:38 - Susula Malalaok Hehelu Palak Ma Hehelu Beuk

³⁸ Manetualain ba'e-bati fes, anak makadotok, ma bana-manun-nala, boetai lamade'u.

MAZMUR 107:38 ပူးပေါင်းရင်းမြစ်များ

KEJADIAN 1:28

Basa boema, Ana fes baba'e-papalak, nenik hala-kokolak nae, “Bongi-ma, upu-anak makadotok, fo ela o tititi-nonosim leo lahenu daebafak-ka lala'en-na, boema, ala koasa daebafak-ka. Au fe emi bela-ba'uk, fo ito-ato i'ak-kala, manupui-la, ma basa bana fuik-kala.

KEJADIAN 12:2

Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.

KEJADIAN 17:16

Neukose, Au ba'e-palan, ma neukose, ana bongin-na ni'iana touanak esa, fo Au fen neu o. Neukose, Au ba'e-pala Sara, ma neukose ana da'di ina kai, neu leoina-la. Neukose hapu manek-kala, nai tititi-nonosin-nala dalek.”

KEJADIAN 17:20

Tehu, Au sipok o nonokem la'eneu Ismael boe. Hu ndia de, neukose Au ba'e-palan, ma Au fen tititi-nonosik makadotok. Neukose, ana da'di, leo ka sanahulu duak-kala, bei-ba'i kain, ma neukose, Au fe tititi-nonosin da'di leoina matuaina esa.

KEJADIAN 30:43

No enok ndia de, Yakob namasu'i hatu-hatu. Nanuu bi'ihiik bi'ilopo, onta, keledei ma ata makadotok.

KEJADIAN 31:9

Manetualain ho'i-na emi amam bana manun-nala, de Ana fes leo au mai-a, enon-na leondiak.

KEJADIAN 9:1

Manetualain ba'e-pala Noh no anan-nala, boema nae, “Bongi upu-anak makadotok, fo ela emi tititi-nonosim, leo lahenu daebafak-ka lala'en-na.

AYUB 12:23

Ana taon-na leoina-la lakapela, ma tetu-temak, boema, Ana tao namopo-namates, losa beelutu.

KELUARAN 1:12

Tehu hataholi Masir-rala boetai tuni-ndeni hataholi Israel-la, ala boetai lamade'u-lamaba'u, ma ala boetai tapasasala leo basa nusak ndia lala'en-na neu, nalosa hataholi Masir-rala bii-lamata'u neus.

KELUARAN 1:7

Tehu sila tititi-nonosin fo nde hataholi Israel-la, bongi upu-anak makadotok, de lamade'u no lai-laik nanseli, nalosa ala tao lahenu nusa Masir-ra.

KELUARAN 12:38

Leni sapi, bi'ilopo ma bi'ihiik makadotok. Hataholi manamai makadotok, ala tunga boe.

AMSAL 10:22

Ka'da hu kande Manetualain baba'e-papalan, de hataholi-a da'di kamasu'ik; ue-le'di no puse-laipanak-ka, ta hapu popo-tama hata-heto fa.

YEREMIA 30:19

Ndia laun-nala neukose ala koa-kio Au nenik nakamek, ma ala eeki-latadale nenik namahokok. Au taon nana fe ha'da-holomata, te ta nananakadaek so'on, ma sila dede'un-nala boe tai lamaba'uk-ka.

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

ULANGAN 28:11

Neukose Ana ba'e-bati fe emi, anak makadotok. Neukose emi bana-manum makadotok, ma emi dae-oem buna-boan sasi kao-kao nai nusak fo, emi Manetualaim-ma helu basan neu emi bei-ba'i kaim-mala, soaneu Ana fen neu emi.

ULANGAN 28:4

Baba'e-papalak ba'eneu emi, nalosa emi anam makadotok, emi dae-oem buna-boan sasi kao-kao, ma emi sapim-mala boema emi bi'ihii-bi'ilopom-mala lamade'u.

ULANGAN 30:9

Neukose emi Manetualaim-ma, fe emi tutunga-sasangam lala'en-na, neni buna-boak fe emi; neukose emi anam makadotok, ma emi bana-manum makadotok; ma emi tinam-mala, buna-boan sasi kao-kao. Manetualain namahoko, de Ana fe emi maso'da no tetu-temak, sama leo Ana namahoko, de Ana fe tetu-temak neu emi bei-ba'i kaim-mala boe.

ULANGAN 7:13

Neukose, Ana sue-lai ma Ana fe emi baba'e-papalak, nalosa emi anam makadotok, fo emi dede'um-mala, boe popo-tama lakandoo. Neukose, Ana fe baba'e-papalak neu emi tinam-mala, nalosa labuna-laboa gandum, angol ma mina setun. Neukose, Ana fe emi baba'e-papalak, nalosa emi sapim-mala, bi'ihiim-mala, ma bi'ilopom-mala lamade'u. Neukose, emi sipo baba'e-papalak sila-la, nai nusak fo Manetualain fen neu emi, nandaa no hala hehelun neu emi bei-ba'i kaim-mala.

ULANGAN 7:14

Neme basa leoina manai daebafak-ka, ta hapu esa boen, fo ana hapu baba'e-papala manasasi kao-kaok-ka, sama leo emi fa. Neme emi basa-basam-mala, ma neme emi bana-manum lala'en-na mai, ta hapu kalate'dis esa boen.