MAZMUR 107:12 - Susula Malalaok Hehelu Palak Ma Hehelu Beuk

¹² Ana tao nakalulutuk hataholi sila dalen-na, nenik ue-le'dis mabelaina; ala tu'da, tehu ta hapu manatulu-fali fa.

MAZMUR 107:12 ပူးပေါင်းရင်းမြစ်များ

2RAJA-RAJA 14:26

Manetualain nita hataholi Israel-la, doi-doso lanseli, te ta hapu hataholi esa boen, fo tulu-fali fas.

2RAJA-RAJA 6:33

Elisa beita kokolak nate'e fa te, manek-ka losa nai ndia so, de nae, “Manetualain nde fe susa ia, tunin-na ita! Da'di, sosoak hata, au amahena tutulu-fafalin bai?”

NEHEMIA 9:37

Basa dae ia oe-isin lala'en-na muse fen leo mane-mane nusak-ka neu. O so'u basa manakoasa sila-la soaneu O anam-mala, da'dileo huhukuk soaneu ami sala-singom neu O-a. Ala paleta tunga dale hihii-nanau mesan-na neu ami ma ami bana-manum. Hu ndia de, besak ia ami doi-doso, henuk no toto'a-tataak ma dale he'di!”

AYUB 9:13

Manetualain ta nakatatakak nasa-melun, ma dale namahanan-na fa; basa Rahab eila'o-limalopen-nala boeo, lakatele neun.

MAZMUR 142:4

Lelek hihii nae ketu au namahehenang-nga, O bubuluk hata fo, au muse taon. No denge-dengek, musu-a lona hihi'ik ba'eneu au, nai enok fo, au muse tungak-ka.

MAZMUR 22:11

Neme bongi au mai-a, au ua-naleng nai O limam dale, nai lelek au nai au inang tein dale, O nde au Manetualaing-nga.

KELUARAN 2:23

Teuk lamalala boema, mate manek Masir-ra. Tehu leoina Israel-la bei hoo-nggu'u, nanahu ala taos da'di ata, nalosa ala nggasi loke tutulu-fafalik. Sila hoo-nggu'un losa Manetualain.

YESAYA 51:23

Au fe doidosok ndia, neu hataholi manatuni-ndeni emi, fo nadenu emi mangape'uk hai meme dae lain so, fo ana heheta-aa'i emi, nono'kabai, emi da'di enok, fo hataholi-la'ok tunga lain.”

YESAYA 52:5

Besak ia, Au ito-ato beek nia ia bai? Hataholi Babel-la, foo emi leondiak mesan. Sila fo, manatuni-ndeni emi-a, ala koao-ndaeao, ma lakadadaek Au lakandondoo henin.

YESAYA 63:5

Au sanga, tehu ta hapu manatulu-fali fa, Au dodoo doak-kana, ae ta hapu manafali fa. Boema, Au be'i-balakaing mesak-kana, nde tulu-fali Au-a, Au nasa-melung tulu-fali Au.

HAKIM-HAKIM 16:21

Boema hataholi Filistin-nala ho'u-lan, de ala e'do heni mata de'en-nala. Loon leo Gaza neu, de ala hengen nenik namosina liti 2, boema ala taon leo bui dale neu. Nai naa, ladenun po'de su'di beek.

HAKIM-HAKIM 16:30

naloo bou-bou nae, “Nemen-na, fo au mate o hataholi Filistin ia-la!” Boema, no basa be'i-balakain lala'en-na, ana tipa dii sila-la losa ala tu'u leu, de napaluni-na Filistin manakoasa ka limak-kala, loo basa hataholi fe'ek manai sila-la. Mate Simson boe. Tehu nai lelek mamaten ndia, ana taonisa hataholi makadotok, de'u lena heni, nai lelek bei naso'da.